یوں آفتاب شوق شب غم میں ڈھل گیا

جیسے شباب دور سے ہو کر نکل گیا

دل سو ز عاشقی سے سر شام جل گیا

تھا زندگی میں ایک ہی کانٹا ، نکل گیا

تم آئے تھے تو ایک زمانہ تھا سازگار

تم کیا گئے کہ ایک زمانہ بدل گیا

ہم شہر آرزو میں بھٹکتے پھر ا کئے

دل تھا ہمارا ایک ہی ناداں ، بہل گیا

اے دوست آ بھی جا کہ میں تصدیق کر سکوں

سب کہہ رہے ہیں موسم ہجراں بدل گیا

اکثر میں سوچتا ہوں مگر جانتا نہیں

گزری تمام عمر کہ بس ایک پل گیا

سرور ترے خلوص ومحبت کا کیا کریں

سکہ ہی اک نیا سر بازار چل گیا

محبتوں میں ہر ایک لمحہ وصال ہو گا یہ طے ہوا تھا

بچھڑ کے بھی ایک دوسرے کا خیال ہو گا یہ طے ہوا تھا

یہ کیا کہ سانسیں اُکھڑ رہی ہیں سفر کے آغاز سے ہی یاروں

کوئی بھی تھک کر نہ راستے میں نڈھال ہوگا یہ طے ہوا تھا

جدا ہوئےتو کیا ہوا پھر یہی تو دستورِزندگی ہے

جدائیوں میں نہ قربتوں کا ملال ہوگا یہ طے ہوا تھا

وہی ہوا نہ بدلتے موسم میں تم نے ہم کو بھلا دیا نہ

کوئی بھی رت ہو نا چاہتوں کو زوال ہوگا یہ طے ہوا تھا

چلو کہ کشتیوں کو جلا دیں گمنان ساحلوں پر

کہ اب وہاں سے نہ واپسی کا سوال ہوگا یہ طے ہوا تھا

کوئی تو ھو جو مری وحشتوں کا ساتھی ھو

دیار نور میں تیرہ شبوں کا ساتھی ھو

میں اس سے جھوٹ بھی بولوں تو مجھ سے سچ بولے

میرے مزاج کے سب موسموں کا ساتھی ھو

میں اس کے ھاتھ نہ آؤں وہ میرا ھوکر رھے

میں گر پڑوں تو میری پستیوں کا ساتھی ھو

وہ میرے نام کی نسبت سے معتبر ٹھہرے

گلی گلی میری رسوائیوں کا ساتھی ھو

کرے کلام جو مجھ سے تو میرے لہجے میں

میں چپ رہوں تو میرے تیوروں کا ساتھی ھو

وہ خواب دیکھے تو میرے حوالے سے

میرے خیال کے سب منظروں کا ساتھی ھو

کوئی فریاد تیرے دل میں دبی ہو جیسے

تُو نے آنکھوں سے کوئی بات کہی ہو جیسے

جاگتے جاگتے اک عمر کٹی ہو جیسے

جان باقی ہو مگر سانس رُکی ہو جیسے

ہر ملاقات پہ محسوس یہ ہوتا ہے

مُجھ سے کچھ تیری نظر پُوچھ رہی ہو جیسے

راہ چلتے ہوئے اکثر یہ گماں ہوتا ہے

وُہ نظر چُھپ کے مجھے دیکھ رہی ہو جیسے

ایک لمحے میں سمٹ آئے یہ صدیوں کا سفر

زندگی تیز بہت تیز چلی ہو جیسے

اس طرح پہروں تجھے سوچتا رہتا ہوں

میری ہر سانس تیرے نام لکھی ہو جیسے

محبت چاند جیسی ہے

جو دیکھو تو، بہت ہی خوبصورت خواب لگتی ہے

سنہرا آب لگتی ہے

اچھوتا باب لگتی ہے، بہت نایاب لگتی ہے

مگر یہ ہے سرابوں سی

اسے چھونے کی خواہش میں،

مسافر گھر کا رستہ بھول جاتا ہے

اگر تم چاند کی کرنوں کو چھو لیتے

تمھارے ہاتھ کی اِن انگلیوں کی ساری پوروں پر

ہزاروں آبلے ہوتے

کتنی بدل چکی ہے رت ، جذبے بھی وہ نہیں رہے

دل پہ ترے فراق کے صدمے بھی وہ نہیں رہے

محفلِ شب میں گفتگو اب کے ہوئی تو یہ کھلا

باتیں بھی وہ نہیں رہیں لہجے بھی وہ نہیں رہے

حلیئے بدل کے رکھ دئیے جیسے شبِ فراق نے

آنکھیں بھی وہ نہیں رہیں ، چہرے بھی وہ نہیں رہے

اس کا مہِ جمال بھی گویا غروب ہو چلا

اپنے وفودِ شوق کے چرچے بھی وہ نہیں رہے

ہوش و خرد گنوا چکے ، خود سے بھی دور جا چکے

لوگ جو تیرے تھے کبھی اپنے بھی وہ نہیں رہے

یہ بھی ہوا کہ تیرے بعد ، شوق سفر نہیں رہا

جن پہ بچھے ہوئے تھے دل ، رستے بھی وہ نہیں رہے

دامِ خوشبو میں گرفتار صبا ہے کب سے

لفظ اظہار کی اُلجھن میں پڑا ہے کب سے

اے کڑی چُپ کے در و بام سجانے والے

منتظر کوئی سرِ کوہِ ندا ہے کب سے

چاند بھی میری طرح حُسن شناسا نکلا

اُس کی دیوار پہ حیران کھڑا ہے کب سے

بات کرتا ہوں تو لفظوں سے مہک آتی ہے

کوئی انفاس کے پردے میں چھپا ہے کب سے

شعبدہ بازی ٔآئینہ ٔاحساس نہ پوچھ

حیرتِ چشم وہی شوخ قبا ہے کب سے

دیکھئے خون کی برسات کہاں ہوتی ہے

شہر پر چھائی ہوئی سُرخ گھٹا ہے کب سے

کور چشموں کے لئے آئینہ خانہ معلوم!

ورنہ ہر ذرہ ترا عکس نما ہے کب سے

کھوج میں کس کی بھرا شہر لگا ہے امجد

ڈھونڈتی کس کو سرِ دشت ہوا ہے کب سے

نقاب اس آفتاب حسن کا اندھیر رکھتا ہے

رخ روشن چھپاکر سب کیا ہے روز روشن کو

اڑاتے دولتِ دنیا کو ہیں ہم عشق بازی میں

طلائی رنگ پر صدقے کیا کرتے ہیں کندن کو

قبائے سرخ وہ اندامِ نازک دوست رکھتا ہے

ملانا خاک میں عاشق کا ہے شغل اُن کے دامن کو

تصور لالہ و گل کا رہا کرتا ہے آنکھوں میں

قفس میں بھی سلام شوق کرلیتے ہیں گلشن کو

سوار اس تیغ زن کو دیکھتا ہے جو وہ کہتا ہے

ہمارا خون حاضر ہے، اگر رنگواؤ توسن کو

کمی ہوگی نہ بعد مرگ بھی بےتابیء دل میں

قیامت تک رہے گا زلزلہ سا میرے مدفن کو

تبسّم میں نظر آنا ترے دنداں کا آفت ہے

چمکنے سے لگاتی ہے یہ بجلی آگ خرمن کو

یہ قصر یار کو پیغام دینا اے صبا میرا

نگاہیں ڈھونڈتی ہیں تیری دیواروں کے روزن کو

م

یرے وجود میں وفا کی روشنی اتار دے

پھر اتنا پیار دے کے مجھے چاھتوں میں مار دے

بہت اداس تھا جو اٹھ کے تیرے پاس ا گیا

کچھ ایسی بات کر جو دل کو سکون اور روح کو قرار دے

سنا ہے کہ تیری ایک نظر سنوارتی دیتی ہے زندگی

لایا ہوں ساتھ اپنے زہر آج میں

اگر ہو سکے تو اپنے ہاتھوں سے یہ زہر میری جان میں اتار دے

ساری زندگی تیرے یادوں میں مارتا رہا

آج اپنے ہاتھوں سے مجکو مار دے مجھ کو مار دے

Maqruz k bigrre howe HALAAT ki manind'

majbor k honton pe SAWALAAT ki manind'

DiL ka teri chahat mein ajb haal howa hai,

selaab se brbad MKANAAT ki manind'

mein un mein bhatkte howe jugno ki tarah hon,

us shkhs ki aankhein hain kisi RAAT ki manind'

DiL roz sjata hon mein DULHAN ki tarah se,

gham roz chale aate hain BARAAT ki manind'

ab ye B nahi yad k kia naam tha us ka,

jis shkhs ko manga tha MNAJAAT ki manind'

kis drja muqdds hai tere qurb ki khwahish,

masoom se bache k KHIYALAAT ki manind'

us shkhs se milna mera mumkin hi nahi hai,

mein piyas ka sehra hon wo BRSAAT ki manind...*¤*