یوں بچھڑیں ہم کہ پھر ملنے کا کچھ امکان رہ جائے

کہیں ایسا نہ ہو پھر عمر بھر ارمان رہ جائے

نہ ہو نغمہ سرا بلبل، یہی مالی کی خواہش ہے

نہ کوئی گل کھلے اس میں ، چمن ویران رہ جائے

خدا سے کچھ نہیں مانگا بجز اس کے مرے ساتھی

تری صورت نگاہوں میں مری ہر آن رہ جائے

تری چاہت کا ، تیرے پیارکا، تیری محبت کا

ہے خواہش موجزن دل میں مرے طوفان رہ جائے

چلو میں خود کو خنجر کے حوالے آج کرتا ہوں

مری جاں جائے تو جائے، تمہارا مان رہ جائے

یوں کب تک دہر سے چھپ کر ملیں گے ہم اندھیرے میں

کسی شب وہ مرے گھر میں علی الاعلان رہ جائے

طلب میرے سخن کی آئے دن بڑھتی رہے شہزاد

جہاں باقی رہے جب تک مرا دیوان رہ جائے

خزائوں کی اداسی ہے، جو اب تک دل پہ چھائی ہے

بہاروں کا حسیں موسم کہیں سے ساتھ لانا تم

یہ مانا اور بھی تم کو جہاں میں ہیں بہت سے غم

مگر دنیا کے میلوں میں ہمیں نہ بھول جانا تم

میرے اشعار ہیں جتنے ہیں تمہارے نام کرتا ہوں

غزل میری سنو جب بھی غزل میں ڈوب جانا تم

اگر تم سے کبھی کوئی، میرے بارے میں پوچھے تو

فقط اتنی سی خواہش ہے، مجھے اپنا بتانا تم

کوئی جب الودائی موسموں کا ذکر چھیڑے تو

نمی آنکھوں میں مت رکھنا ہمیشہ مسکرانا تم

ذرا سی رات ڈھل جائے تو شاید نیند آجائے

ذرا سا دل بہل جائے تو شاید نیند آ جائے

ابھی تو قرب ہے بے چینی ہے بے قراری ہے

طبیعت کچھ سمبھل جائے تو شاید نیند آ جائے

ابھی تو نرم جھونکو ں میں چھپے ہیں تیر یادوں کے

ہوا کا رُخ بدل جائے تو شاید نیند آ جائے

یہ ہنستا مسکراتا قافلہ چاند اور ستاروں کا

ذرا آگے نکل جائے تو شاید نیند آ جائے

یہ طوفان آنسو کا جو اُمڈ آیا ہے پلکوں تک

کسی صورت یہ ٹل جائے تو شاید نیند آ جائے

دلے میں پیار کے مجھے رسوائی دے گیا

صدمات کے ہجوم میں تنہائی دے گیا

اٹھتا ہے دل میں شور سا آٹھوں پہر مرے

زخموں کو کیسی قوتِ گویائی دے گیا

غم، درد، کرب، آہ، فغاں، اشک ، بے کلی

کیا کیا عنایتیں مجھے ہر جائی دے گیا

مجھ کو دیا تھا درسِ وفا جس نے پیار سے

آنکھوں کو انتظار کی انگنائی دے گیا

ارماں جگا کے اورنئے وعدے پہ ٹال کے

لمسِ لطیف دے گیا، انگڑائی دے گیا

آنکھوں سے میری نیند کی دنیا چرا کے وہ

اطیب شکستِ خواب کی سچائی دے گیا

آرزو یہ نہیں کہ غم کے طوفان ٹل جائیں

فکر تو یہ ہے کہ تمارا دل نہ بدل جائے

کبھی بھی اگر مجھ کو بھلانا چاہو تم

درد اتنا دینا کہ میرا دم نکل جائے۔

میرا سوچنا تیری زات تک

میری گفتگو تری بات تک

نہ تم ملو جو کبھی مجھے

میرا ڈھونڈنا تجھے پار تک

کبھی فرصت تجھے ملے توآ

میری زندگی کے حصار تک

میں نے جانا کے میں کچھ نھی

تیرے پہلے سے تیرے بعد تک

تیری کوشش تیری تدبیر ھونا چاہتی ھوں

میں تیرے ھاتھ کی تحریر ھونا چاھتی ھوں

تو میرے پاس آئے اور پلٹ کے نہ جائے

میں تیرے پاؤں کی زنجیر ھونا چاھتی ھوں

مجھے حاجت نہیں اب دوسروں کے مشوروں کی

میں خود بھی شبِ تقدیر ھونا چاھتی ھوں

میں اس لیے مسمار خود کو کر رھی ھوں

کہ میں تیرے ھاتھ میں تعمیر ھونا چاھتی ھوں

آپ کو بھول جائیں ہم ، اتنے تو بےوفا نہیں

آپ سے کیا گلہ کریں آپ سے کچھ گلہ نہیں

شیشہِ دل کو توڑنا اُن کا تو ایک کھیل ہے

ہم سے ہی بھول ہوگئی اُن کی کوئی خطا نہیں

کاش وہ اپنے غم مجھے دے دے تو کچھ سکون ملے

وہ کتنا بدنصیب ہے غم ہی جسے ملا نہیں

جرم ہےگر وفا تو کیا ، کیوں بےوفا کو چھوڑ دوں

کہتے ہیں اس گناہ کی ہوتی کوئی سزا نہیں

مجھے سوال بھی جا نو، جواب بھی سمجھو

میں جی رہا ہوں موج نشیمن کی طرح

میرے سکون کو تم اضطراب بھی سمجھو

غم حیات کی یوں تو ہزار تاویلیں

کسی کا لطف بھی جا نوـ عتاب بھی سمجھو

میرے خلوص کو میری شکست بھی جانو

میری وفا کو میرا احتساب بھی سمجھو

طرب کا دور بھی کچھ بادقضا ہو جاۓ

چھلکتے جام کو چشمِ پُرآب بھی سمجھو

میں کون ہوں، مجھے خود بھی پتا نہیں

میرے وجود کو میرا نقاب بھی سمجھو

کس قدر انوکھا ہے رابطہ محبت کا

کب نہ جانے ہوجائے معجزہ محبت کا

اپنی ذات سے بھی وہ اجنبی سا لگتا ہے

جس کے ساتھ ہوجائے حادثہ محبت کا

وہ چلا ہی جاتا ہے جس نے جانا ہوتا ہے

لاکھ دو چاہے اس کو واسطہ محبت کا

زندگی میں جینے کا آسرا نہیں رہتا

جب کسی سے چھن جائے حوصلہ محبت کا

دوستوں سےفراز اگرتمہیں محبت ہے

دوستوں کو مت دینا مشورہ محبت کا