Qasam un mast aankhon ki, Main woh labraiz sagar hoon,

jo masti main chalak jaon, to me khano ko le doboon

لوگ کہتے ہیں

وہ مجھ سے مختلف سا ہے

مگر وہ جانتے نہیں

میں اُس سے رُوٹھ جاؤں تو

وہ مجھ سے رُوٹھ جاتا ہے

میری نگاہیں تھک گئیں تیرے انتظار میں

یہ زندگی گزر گئی اک تیرے انتظار میں

ہم ادھورے خوابوں کو ڈھونڈتے رہے لیکن

نیند پوری ہی نہ ہو سکی تیرے انتظار میں

رنگ حنا بھی اب میرے ہاتھوں پہ نہیں رچتا

یہ رنگ بھی کہیں اڑ چکا تیرے انتظار میں

چوڑیاں کیسے سجتی سونے ہاتھوں میں

ٹوٹ کر بکھر گئیں یہ تیرے انتطار میں

تم جو آجاؤ تو میرا روپ بھی سنور جائے

میں ہوئی بے روپ رنگ تیرے انتظار میں

عید کی خوشی کا دن گزر گیا تمہارے بن

میں آج بھی اداس رہی تیرے انتطار میں

دل میں اک لہر سے اٹھی ہے ابھی

کوئی تازہ ہوا چلی ہے ابھی

شور برپا ہے خانہء دل میں

کوئی دیوار سی گری ہے ابھی

بھری دنیا میں جی نہیں لگتا

جانے کس چیز کی کمی ہے ابھی

تو شریکِ سخن نہیں ہے تو کیا

ہم سخن تیری خامشی ہے ابھی

یاد کے بے نشاں جزیروں سے

تیری آواز آرہی ہے ابھی

شہر کی بے چراغ گلیوں میں

زندگی تجھ کو ڈھونڈتی ہے ابھی

سو گئے لوگ اس حویلی کے

ایک کھڑکی مگر کھلی ہے ابھی

تم تو یارو ابھی سے اٹھ بیٹھے

شہر کی رات جاگتی ہے ابھی

وقت اچھا بھی آئے گا ناصر

غم نہ کر زندگی پڑی ہے ابھی

ہے حسن کا پر کیف نظارہ تیری آنکھیں

گر چاند میرا دل تو ستارہ تیری آنکھیں

جب جب پڑھوں ان کو محبت کی نظر سے

لگتی ہیں اک تازہ شمارہ تیری آنکھیں

کچھ تو ہوا بھی سرد تھی، کچھ تھا تیرا خیال بھی

دل میں* خوشی کے ساتھ ساتھ ہوتا رہا ملال بھی

بات وہ آدھی رات کی رات وہ پورے چاند کی

چاند بھی عین چیت کا، اس پہ تیرا جمال بھی

سب سے نظر بچا کے وہ مجھ کو کچھ ایسے دیکھتا

اک دفعہ تو رک ہی گئی گردشِ ماہ و سال بھی

میری طلب تھا ایک شخص وہ جو نہیں* ملا تو پھر

ہاتھ دعا سے یوں* گرا بھول گیا سوال بھی

اس کی سخن طرازیاں میرے لئے ڈھال تھیں

اس کی ہنسی میں چھپ گیا اپنے غموں کا حال بھی

گاہ قریبِ شاہ رگ، گاہ بعیدِ وہم و خواب

اس کی رفاقتوں میں رات، ہجر بھی وصال بھی

اس کے ہی بازوں میں اور اس کو ہی سوچتے رہے

جسم کی خواہشوں پہ تھے روح کے اور جال بھی

کہو اپنے وعدے وفا تم کرو گے

جو کھائی تھیں قسمیں بھلا تو نہ دو گے

مجھے بھی اُسی سمت جانا ہے ہمدم

میں تیار ہو لوں، ذرا سا رکو گے

میری بات چھوڑو، کچھ اپنی سناؤ

مرے غم کی روداد کب تک سنو گے

مجھے تم سے مل کر خوشی جو ہوئی ہے

مری اس خوشی کو مٹا تو نہ دو گے

بھلا وقت تھا تو مرے پاس تھے تم

برا وقت آیا تو کیا ساتھ دو گے

مجھے وقت نے کچھ بدل سا دیا ہے

کہیں گر ملو گے تو پہچان لو گے؟

ہمارا نام لکھنا اور پھر لکھ کر مٹا دینا

مِٹا کر نام پھر تم خاک بھی اسکی اڑا دینا

میں اڑتی خاک کو آنچل میں اپنے باندھ رکھوں گی

تم اپنے ہاتھ کی خوشبو ذرا اس میں بَسا دینا

ہماری فرصتیں دیکھو، فراغت کے پَلوں میں بھی

تمہارے نام کی شطرنج آنکھوں میں بچھا دینا

ہمیں تکلیف دیتے ہیں سب اُس کے فیصلے مونا

جو دِل چاہے تو کرنا یاد، مَن چاہے بُھلا دینا

بڑے خطرے میں ہے گلستاں، ہم نہ کہتے تھے

چمن تک آگئی دیوار ِ زنداں، ہم نہ کہتے تھے

بھرے بازار میں جنسِ وفا بے آبرو ہو گی

اٹھے گا اعتبار کوئے جاناں، ہم نہ کہتے تھے

اسی محفل، اسی بزم ِ وفا کے گوشے گوشے میں

لٹے گی مستی چشم ِ غزالاں، ہم نہ کہتے تھے

اسی راستے میں آخر وہ کڑی منزل بھی آئے گی

جہاں دم توڑ دے گی یاد*ِ یاراں، ہم نہ کہتے تھے

خزاں کی آہٹوں پر کانپتی ہیں پتیاں گل کی

بکھرنے کو ہے اب زلف َ بہاراں، ہم نہ کہتے تھے

دل فطرت شناس آخر کہیں یونہی دھڑکتا ہے

فریب ِ حسن ہے جشن ِ چراغاں ہم نہ کہتے تھے

کچھ جیت لکھوں کی ہار لکھوں

یا دل کا سارا پیار لکھوں

کچھ اپنو کے جذبات لکھوں یا سپنو کی سواگت لکھوں

میں کھلتا سورج آج لکھوں یا چہرا چاند گلاب لکھوں

وو ڈوبتے سورج کو دکھوں یا اگتے پھول کی سانس لکھوں

وو پل می بیٹے سال لکھوں یا سدیو لمبی رات لکھوں

ساگر سا گہرا ہو جو یا امبر سی کھلا لکھوں

می تمکو اپنے پاس لکھوں یا معصوم سا پہلا پیار لکھوں

ساون کی باریش می بھگو یا آنکھو کی برست لکھوں

کچھ جیت لکھوں کی ہار لکھوں

یا دل کا سارا پیار لکھوں