August 17, 201114 yr Wah ji L4P bro lagta hai aap ny jis ko kaha hai "WO" yahi kahi hai heheheheheh.......... shayad aap jawab b dia ho heheheheh........ Beta Creamy! Achay Bachay Zyada Nahi Chehaktay! Jis Ke Liye Kaha Hay Woh Khud Samjh Gayee Hay. hehehehehehehe Aur Haan WOh Yahan Kahin Hay Ya Nahi Is Ko Discus Kar Ke Tum Do Lardkyon Main Fight Matt Karwaoo! hehehehee;)
August 17, 201114 yr اپنا دل تھام کسی یاد کی دہلیز پہ آ آ کسی شام کسی یاد کی دہلیز پہ آ دیکھ آتے ہیں نظر تجھ کو مناظر کیسے لے میرا نام کسی یاد کی دہلیز پہ آ اب تو ہر گام ضرورت ہے تیری یادوں کی اب تُو ہر گام کسی یاد کی دہلیز پہ آ غمِ دنیا نہ کہیں چھین لے تجھ کو مجھ سے چھوڑ سب کام کسی یاد کی دہلیز پہ آ آج کی شام منانا ہے تیرے غم کو مجھے آج کی شام کسی یاد کی دہلیز پہ آ
August 17, 201114 yr وہ تم جو چھوڑ گئے تھے دُکھا ہوا میرا دل سفر نے ڈھونڈ لیا ہے رہا سہا میرا دل کچھ اس طرح سے تعزیت کی آس میں تھا کسی نے ہنس کے بھی دیکھا تو رو دیا میرا دل ہے اپنی اپنی رسائی رہ محبت میں ہے اپنا اپنا طریقہ ترا خدا میرا دل نگر نے معجزہ مانگا تیری محبت کا تو جھوم جھوم کے صحراؤں سے اٹھا میرا دل کسی نے جب بھی یہ پوچھا کہ کون ہے فرحت تو مسکرا کے ہمیشہ یہی کہا میرا دل
August 17, 201114 yr کتنی مدت بعد تمہاری یاد آئی ہے یوں لگتا ہے جیسے دل یہ رک جائے گا یوں لگتا ہے جیسے آنکھیں! اپنے سارے آنسو رو کر! بالکل بنجر ہو جائیں گی یوں لگتا ہے جیسے پچھلے موسم پھر سے لوٹ آئے ہیں جاناں! یہ دل خوش رہنے کے طور طریقے بھول چکا ہے اُس پر تیری یاد کی دستک یوں لگتا ہے جیسے دل پر ایک قیامت گزر رہی ہو کوئی طوفاں آن کھڑا ہو جیسے ایک اکیلی ناؤ بیچ بھنور کے آن پھنسی ہو یوں لگتا ہے جیسے سپنے ایک حقیقت بن بیٹھے ہوں اتنی مدت بعد تمہاری یاد آئی ہے سوچ رہا ہوں کیا اُس کی تعظیم کروں میں پلکوں پر اشکوں کے دیپ جلا لیتا ہوں دل کے اُجڑے آنگن کو مہکا لیتا ہوں دل کہتا ہے پھر خود کو تقسیم کروں میں اتنی مدت بعد تمہاری یاد آئی ہے یوں لگتا ہے جیسے پچھلے موسم پھر سے لوٹ آئے ہوں
August 17, 201114 yr تتلیوں کے موسم میں نوچنا گلابوں کا ، ریت اس نگر کی ہےاور جانے کب سے ہے دیکھ کر پرندوں کو باندھنا نشانوں کا ، ریت اس نگر کی ہےاور جانے کب سے ہے تم ابھی نئے ہو ناں! اس لیے پریشاں ہو ، آسمان کی جانب اس طرح سے مت دیکھو آفتیں جب آنی ہوں ، ٹوٹنا ستاروں کا ، ریت اس نگر کی ہےاور جانے کب سے ہے شہر کے یہ باشندے بو کے بیج نفرت کے ، انتظار کرتے ہیں فصل ہو محبت کی چھوڑ کر حقیقت کو ڈھونڈنا سرابوں کا ، ریت اس نگر کی ہےاور جانے کب سے ہے اجنبی فضاؤں میں اجنبی مسافر سے ، اپنے ہر تعلق کو دائمی سمجھ لینا اور جب بچھڑ جانا مانگنا دعاؤں کا ، ریت اس نگر کی ہےاور جانے کب سے ہے خامشی مرا شیوہ گفتگو ہنر اُس کا، میری بے گناہی کو لوگ کیسے مانیں گے بات بات پر جبکہ مانگنا حوالوں کا ، ریت اس نگر کی ہےاور جانے کب سے ہے
August 17, 201114 yr رات کا سمندر ہے رات بھی محبت کی بات کا اجالا ہے بات بھی محبت کی گھات کی ضرورت ہے گھات بھی محبت کی نرم گرم خاموشی سہج سہج سرگوشی چور چور دروازے کون چھپ کے آیا ہے آرزو نے جنگل میں راستہ بنایا ہے جھینپتے ہوئے آنگن نے درخت سے مل کر کچھ نہ کچھ چھپایا ہے آسماں کی کھڑکی میں سکھ بھری شرارت سے چاند مسکرایا ہے چاند مسکرایا ہے چاندنی نہائی ہے خوشبوؤں نے موسم میں آگ سی لگائی ہے عشق نے محبت کی آنکھ چومنا چاہی اور ہوا کے حلقے میں شوخ سی نزاکت سے شاخ کمسائی ہے رات کا سمندر ہے رات بھی محبت کی بات کا اجالا ہے رات بھی محبت کی بات کے سویرے میں زندگی کے گھیرے میں روح ٹمٹمائی ہے وصل جھلملایا ہے دل نے بند سینے میں حشر سا اٹھایا ہے کون چھپ کے آیا ہے
August 17, 201114 yr آنسوؤں کے ساتھ سب کچھ بہہ گیا دل میں سناٹا سا باقی رہ گیا چھوڑ آیا ہوں زمین و آسماں فاصلہ اب اور کتنا باقی رہ گیا رفتہ رفتہ بجھ گئے سارے چراغ اک چہرہ جھلملاتا ' رہ گیا بستیاں دھندلا گئیں؛ پھر کھو گئیں روشنی کا چہرہ پیچھے رہ گیا
August 17, 201114 yr آگے حریم غم سے کوئی راستہ نہ تھا اچھا ہوا کہ ساتھ کسی کو لیا نہ تھا دامنِ چاک چاک گلوں کو بہانہ تھا دل کا جو رنگ تھا وہ نظر سے چھپا نہ تھا رنگِ شفق کی دھوپ کھلی تھی قدم قدم مقتل میں صبح و شام کا منظر جدا نہ تھا کیا بوجھ تھا جس کو اٹھائے ہوئے تھے لوگ مڑ کر کسی کو کوئی دیکھتا نہ تھا کچھ اتنی روشنی میں تھے چہروں کے آئینے دل اس کو ڈھونڈتا تھا جسے جانتا نہ تھا کچھ لوگ شرمسار خدا جانے کیوں ہوئے اپنے سوا ہمیں تو کسی سے گلہ نہ تھا ہر اک قدم اٹھا تھا نئے موسموں کے ساتھ وہ جو صنم تراش تھا بت پوجتا نہ تھا جس در سے دل کو ذوقِ عبادت عطا ہوا اس آستانِ شوق پہ سجدا روا نہ تھا آندھی میں برگِ گل کی زباں سے ادا ہوا وہ راز جو اب تک کسی سے کہا نہ تھا
Create an account or sign in to comment