باتیں ہیں اُجلی اُجلی اور من اندر سے کالے ہیں

اس نگری کے سارے چہرے اپنے دیکھے بھالے ہیں

نینوں میں کاجل کے ڈورے رُخ پہ زُلف کے ہالے ہیں

من مایا کو لوٹنے والے کتنے بھولے بھالے ہیں

تم پر تو اے ہم نفسو! کچھ جبر نہیں، تم تو بولو

ہم تو چپ سادھے بیٹھے ہیں اور زباں پر تالے ہیں

آنکھوں میں روشن ہیں تمھاری آشاؤں کے سندر دِیپ

دل میں سہانی یادوں کے کچھ دُھندلے سے اجیالے ہیں

تم سے کیسا شکوہ کرنا، شکوہ کرنا اب لاحاصل

خود ہی سوچو تم نے اب تک کتنے وعدے ٹالے ہیں

آج اگر احباب ہمارے ہم کو ہی ڈستے ہیں تو کیا؟

یہ زہریلے ناگ تو ناصر ہم نے خود ہی پالے ہیں

بہت بے درد ہوں نا میں؟

ستاتا ہوں بہت تُم کو

رُلاتا ہوں بہت تُم کو

کہ تُم کو چھوڑ کر تنہا

خزاں لمحوں کی بانہوں میں

بہت ہی دُور سوچوں سے

یہاں پردیس آیا ہوں

مگر میں سوچتا ہوں کہ

سبھی ساون، سبھی بھادوں

کٹے جو میرے بن جاناں

وہ سب کیسے لوٹاؤں گا

کہ میں اس ہجر کی قیمت

بھلا کیسے چُکاؤں گا

کہوں گا کیا، کروں گا کیا؟

مجھے اتنا پتا دے دو؟

چلو ایسا کرو جاناں

مجھے کوئی سزا دے دو

کہ جب سونے کو من چاہے

اور ان آنکھوں کو مُوندوں میں

میری پلکوں کی گھونگٹ اُڑ کر

تُم رُوبرو آنا

میری آنکھوں میں بس جانا

ذرا بھی دُور اپنی یاد سے ہونے نہیں دینا

مجھے سونے نہیں دینا

کاش سمھتے وہ اس دل کی تڑپ کو

تو یوں ان مجے تنہا کیا ہوتا

انکی بے روہی بھی منظور تھی مجھے

بس ایک بار مجکو سمجھ تو لیا ہوتا

اب تو یوں لگتا ہے جیسے تجھے دیکھا ہی نہ تھا

جیسے بادل کبھی صحراؤں پہ برسا ہی نہ تھا

اب تو دھند لانے لگے ہیں تیرے چہرے کے نقوش

دونوں ہاتھوں میں اِسے جس طرح تھاما ہی نہ تھا

ہم کو یہ زعم کہ ہم بھی ہیں محبّت کے خدا

اور وہ شخص کہ شیشے میں اُترتا ہی نہ تھا

آشنائی کی یہ ہلکی سی جھلک بھی کیوں ہے

یوں گزر جاؤ کہ جیسے کبھی دیکھا ہی نہ تھا

تجھ کو کھو بیٹھے تو یاد آیا کہ تُو اپنا تھا

تجھ کو پانے کا تو ہم نے کبھی سوچا ہی نہ تھا

<Zahid sharab peeny dy masjid me beth kr....

ya wo jaga bata jahan khuda nahi...(Ghalib)

<Masjid khuda ka ghar hy peeny ki jaaga nahe...

Kafer ke dil may ja waha pr khuda nhe...(Iqbal)

لمحہ لمحہ بکھر رہا ہوں

میں وقت ہوں گزر رہا ہوں

لوگوں کے دل میں درد بن کر

کب سے جانے اتر رہا ہوں

چہرہ چہرہ میری کہانی

آنکھوں آنکھوں پڑھ رہا ہوں

لے آئی زندگی کہاں پر

اپنی آہٹ سے ڈر رہا ہوں

شہروں میں آدمی بہت ہیں

انسان تلاش کر رہا ہوں

حالات پھر بدل گئے ہیں

اور میں کہ پھر سنور رہا ہوں

انجام کی مجھ کو فکر کیا

طوفان ہوں بپھر رہا ہوں

غرقاب ہو گئے معانی

الفاظ کا بھنور رہا ہوں

سہمے سہمے راستوں میں

ڈر ڈر کہ پائوں ہو رہا ہوں

لاکھوں ہی رنگتوں میں اک

بے رنگ ہوں بکھر رہا ہوں

دنیا کتنی بدل گئی ہے

میں بھی اب میں کدھر رہا ہوں

خاموش ہو گیا زمانہ

خود سے کلام کر رہا ہوں

یوں جی رہا ہوں شام جیسے

کوئی گناہ کر رہا ہوں

یہاں سے اب کہیں لے چل خیالِ یار مجھے

چمن میں راس نہ آئے گی بہار مجھے

تیری لطیف نگاہوں کی خاص جنبش نے

بنا دیا تیری فطرت کا رازدار مجھے

میری حیات کا انجام اور کچھ ہوتا

جو آپ کہتے کبھی اپنا جانثار مجھے

بدل دیا ہے نگاہوں نے رخ زمانے کا

کبھی رہا ہے زمانے پہ اختیار مجھے

یہ حادثات جو ہیں اضطراب کا پیغام

یہ حادثات ہی آئیں *گے سازگار مجھے

عزیز اہلِ چمن کی شکائت بے سود

فریب دے گی رنگینئی بہار مجھے

عزیز وارثی

اسکو جدا ہوئے بھی زمانہ بہت ہوا

اب کیا کہیں یہ قصہ پرانا بہت ہوا

ڈھلتی نہ تھی کسی بھی جتن سے شب فراق

اے مرگ ناگہاں تیرا آنا بہت ہوا

ہم خلد سے نکل تو گئے ہیں پر اے خدا

اتنے سے واقعے کا فسانہ بہت ہوا

اب ہم ہیں اور سارے زمانے کی دشمنی

اس سے ذرا ربط بڑھانا بہت ہوا

اب کیوں نہ زندگی پہ محبت کو وار دیں

اس عاشقی میں جان سے جانا بہت ہوا

اب تک تو دل سے دل کا تعارف نہ ہو سکا

مانا کے اس سے ملنا ملانا بہت ہوا

کیا کیا نہ ہم خراب ہوئے ہیں مگر یہ دل

اے یاد یار تیرا ٹھکانا بہت ہوا

لو پھر تیرے لبوں پہ اسی بے وفا کا ذکر

احمد فراز تجھ سے کہا نا بہت ہوا

مری ہستی عبادت ہو گئی ہے

مجھے ان سے محبت ہو گئی ہے

تیرے آنے سے پہلے تھی قیامت

تم آئے تو قیامت ہو گئی ہے

سکونِ دل سے اس کا واسطہ کیا

تری جس پر عنائت ہو گئی ہے

سراغِ زندگی بخشا ہے جس نے

اسی غم سے عقیدت ہو گئی ہے

نہیں ہے دخل کچھ تیری جفا کا

یونہی رونے کی عادت ہو گئی ہے

وہ آئے غیر کو لے کر لحد پر

مصیبت پر مصیبت ہو گئی ہے

وہ کہتے ہیں واصف مر چکا ہے

مبارک ہو شہادت ہو گئی ہے

عجب اپنا حال ہوتا جو وصال یار ہوتا

کبھی جاں صدقے ہوتی ، کبھی دل نثار ہوتا

جو تمہاری طرح تم سے کوئی جھوٹے وعدے کرتا

تم ہی منصفی سے کہہ دو،تمہیں اعتبار ہوتا؟

یہ مزا تھا دل لگی کا کہ برابر آگ لگتی

نہ تجھے قرار ہوتا نہ مجھے قرار ہوتا

نہ مزہ ہے دشمنی میں نہ لطف ہے دوستی میں

کوئی غیر غیر ہوتا، کوئی یار یار ہوتا

ترے وعدے پہ ستم گر ابھی اور صبر کرتے

اگر اپنی زندگی کا ہمیں اعتبار ہوتا

تمہیں ناز ہو نہ کیوں کر کہ لیا ہے داغ کا دل

یہ رقم نہ ہا تھ لگتی ، نہ یہ اختیار ہوتا