کل چودھویں کا چاند تھا شب بھر رہا چرچا تیرا

کچھ نے کہا کہ چاند ھے کچھ نے کہا چہرا تیرا

ھم بھی وہاں موجود تھے ہم نے بھی سب دیکھا مگر

ھم چپ رہے کچھ نہ کہا منظور تھا پردہ تیرا

محبتوں میں ہر ایک لمحہ وصال ہو گا یہ طے ہوا تھا

بچھڑ کے بھی ایک دوسرے کا خیال ہو گا یہ طے ہوا تھا

یہ کیا کہ سانسیں اُکھڑ رہی ہیں سفر کے آغاز سے ہی یاروں

کوئی بھی تھک کر نہ راستے میں نڈھال ہوگا یہ طے ہوا تھا

جدا ہوئےتو کیا ہوا پھر یہی تو دستورِزندگی ہے

جدائیوں میں نہ قربتوں کا ملال ہوگا یہ طے ہوا تھا

وہی ہوا نہ بدلتے موسم میں تم نے ہم کو بھلا دیا نہ

کوئی بھی رت ہو نا چاہتوں کو زوال ہوگا یہ طے ہوا تھا

چلو کہ کشتیوں کو جلا دیں گمنان ساحلوں پر

کہ اب وہاں سے نہ واپسی کا سوال ہوگا یہ طے ہوا تھا

یہ مست مست بے مثال آنکھیں

نشے سے ہر دم نڈھال آنکھیں

اٹھیں تو ھوش و حواس چھینیں

گریں تو کر دیں کمال آنکھیں

کوئی ہے ان کے کرم کا طالب

کسی کا شوق وصال آنکھیں

نہ یوں جلائیں نہ یوں ستائیں

کریں تو کچھ یہ خیال آنکھیں

ہیں جینے کا بہانہ یارو

یہ روح پرور جمال آنکھیں

دراز پلکیں غزال آنکھیں

مصوّری کا کمال آنکھیں

شراب رب نے حرام کر دی

مگر رکھی ہیں حلال آنکھیں

ہزاروں ان سے قتل ہوئے ہیں

خدا کے بندے سنبھال آنکھیں

کوئی اپنا نہیں غیر دیار میں

جھوٹ ہے سب جھوٹے پیار میں

دھوکا دیا نگاہوں نے کس طرح

ہم تو مارے گئے اعتبار میں

نغمہ وفا کا ہر کسی نے سنایا

کچھ حاصل نہ کرسکے اس سنسار میں

پاس کیوں نہیں ہو تم، بارشوں کے موسم میں

میں کہیں، کہیں ہو تم، بارشوں کے موسم میں

جس پہ پھول مہکیں گے، اب تیری محبت کے

دل کی وہ زمیں ہو تم، بارشوں کے موسم میں

چشم مگيوں ذرا ادھر کر دے

دست قدرت کو بے اثر کر دے

تيز ہے آج درد دل ساقي

تلخي مے کو تيز تر کر دے

جوش وحشت ہے تشنہ کام ابھي

چاک دامن کو تا جگر کر دے

ميري قسمت سے کھيلنے والے

مجھ کوقسمت سے بے خبر کر دے

لٹ رہي ہے مري متاع نياز

کاش وہ اس طرف نظر کر دے

تکميل آرزو معلوم

ہوسکے تو يونہي بسر کر دے

تجھ سے تو کوئی گلہ نہیں ہے

قسمت میں مری، صلہ نہیں ہے

بچھڑے تو نجانے حال کیا ہو

جو شخص ابھی ملا نہیں ہے

جینے کی تو آرزو ہی کب تھی

مرنے کا بھی حوصلہ نہیں ہے

جو زیست کو معتبر بنا دے

ایسا کوئی سلسلہ نہیں ہے

دل کے عُنوانات میں تم کو سوچا ہے

دھڑکن کی ہر بات میں تم کو سوچا ہے

درد کے سِکّے سارے اپنی جیب میں رکھے

خوشیوں کی بُہتات میں تم کو سوچا ہے

کھڑکی میں جب شام ڈھلی، تم یاد آئے

اور پھر لمبی رات میں تم کو سوچا ہے

پُھولوں نے سب رنگ چُرائے ہیں تم سے

خُوشبو نے برسات میں تم کو سوچا ہے

مُشکل پل آسان ہوئے تمہارے سبب

جب مُشکل حالات میں تم کو سوچا ہے

جب بھی اُترے ہاتھ دعا کے زینے پر

ساری کائنات میں تم کو سوچا ہے

وصال ُرت کی یہ پہلی دستک ہی سرزنش تھی

کہ ہجر موسم نے رستے رستے سفر کا آغاز کیا

تمہارے ہاتھوں کالمس جب میری وفا کی ہتھیلوں پر حنا بنے گا

تو سوچ لو گی

رفاقتوں کا سنہرا سورج غروب کے امتحان میں

ہمارے باغوں سے سے گر کبھی تتلیوں کی خوشبو نہ گزر پائے تو یہ نہ کہنا کہ تتلیوں نے گلاب رستے بدل لیے ہیں

اگر کوئی شام یوں بھی آئے کے ہم تم لگے پرائے

تو جان لینا

کے شام بے بس تھی شب کی تاریکیوں کے ہاتھوں

تمہاری خوہش کی مٹھیاں بے دھانیوں میں کبھی کھلیں تو یقین کرنا

کہ میری چاہت کے جگنوؤں نے

تمھارے ہاتھوں کے لمس تازہ کی خوہشوں میں

بڑے گھنیرے اندھیرے کاٹے

مگر یہ خدشے ، یہ وسوسے تو تکلفاََ ہیں

ہم اپنے جذبوں کو منجمدرائیگانیوں کے سپرد کر کے

یہ سوچ لے گے

کہ ہجر موسم تو وصل کی پہلی شام سے ہی

سفر کا آغاز کر چکا تھا

ایک اسکول کے آنگن میں

تھا اک پھول کا پودا

گرما کی لمبی رخصت میں

پھول کھلا اک اس میں

پہلے پہل جب وہ غنچہ تھا

آنکھیں موندھے ٹہنی پر یوں جھولے جھولا کرتا تھا

جیسے اس جیسا خوش قسمت ارض و سما میں کوئی نہ ہو

لیکن جب وہ پھول بنا

اور جوبن نے لی انگڑائی

اس کو یہ احساس ہوا

کتنی ہے تنہائی

شہر کے بیچوں بیچ اک چھوٹے سے اسکول کے آنگن میں

پھول بہت ہی تنہا تھا

بچے تو تعطیل منانے

دور گئے تھے

جھیلوں اور پہاڑوں پر

باغوں اور کھلیانوں میں

شہر کے آلودہ حالات

ہیں دو چار ہی تتلیاں بھنورے

ان کو بھی اس تنہا پھول کے بارے میں

کچھ علم نہ تھا

ورنہ وہ دو چار گھڑی بھی

ملتے، باتیں کرتے، گاتے

چومتے منہ

اور چومتے رس اک دوجے کا

پھول نے اپنے جوبن کے وہ دن بھی ٹہنی پر کاٹے

جب تک اس سے پہلے آنے والے اس پودے کے پھول

لاکھ حفاظت کرتا مالی

ننہے ننہے اور معصوم سے ہاتھوں میں سج جاتے تھے

اور کتابوں سے بوجھل

بستوں میں بس جاتے تھے

موسم گرما کی بارش بھی اس کے ہوتے ہونہ سکی

اور شبنم کے قطروں میں بھی گردوغبار اور دھواں تھا

پھر اک دن وہ پھول بالآخر سوکھ گیا

سوکھ گیا اور ہلکے سے ایک جھونکے سے

پتی پتی بکھر گیا

اس کی قبر کے کتبے پر

مٹی نے لکھا

لمس کی لذت سے ناواقف

اک بدقسمت