بارشیں نہیں رُکتیں

بارشوں کے موسم میں

اُس کو یاد کرنے کی

عادتیں پُرانی ہیں

اب کی بار سوچا ہے

عادتیں بدل ڈالیں

پھر خیال آتا ہے

عادتیں بدلنے سے

بارشیں نہیں رُکتیں

یہ جُھکی جُھکی نظریں

یہ رُکا رُکا لہجہ

لب پہ بار بار آکہ

ٹُوٹتا ہُوا فقرہ

گرد میں اٹی پلکیں

دُھوپ سے تپا چہرہ

سر جُھکائے آیا ہے

اک عُمر کا بُھولا

دل ہزار کہتا ہے

ہاتھ تھام لُوں اس کا

چُوم لوں*یہ پیشانی

لوٹنے نہ دُوں*تنہا

کوئی دل سے کہتا ہے

سارے حرف جُھوٹے ہیں

اعتبار مت کرنا

اعتبار مت کرنا......!

خزاں نے موسم گل پر جہاں بھي طنز کيا

کوئي کلي وہيں چپکے سے مسکرادي ہے

کھڑکياں کس نے کھول ديں گھر کي

روشني آرہي ہے باہر کي

در و ديوار کو مکان کہا

يہي اوقات رہ گئي گھر کي

يہ زندگي کے تضادات ہي تو ہيں شايد

کہ لمحہ لمحہ ہے اپنے وجود کي ترديد

ترے وجود کي جب سے تلاش ہے مجھ کو

ترا گماں بھي مري دسترس سے باہر ہے

جہل کے اس آشوب نوا ميں

چپ رہنا بھي ايک ہنر ہے

غم کے بادل ديدہ تر سے

جھوم رہنا بھي ايک ہنر ہے

خلوص ختم ہوا اعتبار ختم ہوا

خسارہ جس ميں تھا وہ کاروبار ختم ہوا

اس پر نہ قدم رکھنا کہ يہ راہ وفا ہے

سر شار نہيں ہو کہ گزر جائوگے لوگو

کس طرح ياد کروں کيسے بھلاؤں تجھ کو

تو کوئی رسم نہيں ہے کے نبھاؤں تجھ کو

روز آنکھوں سے بکھرتا ہے نيا خواب کوئی

دل يہ کہتا ہے نا آنکھوں ميں سجاؤں تجھ کو

خوب ہوتے ہيں چاہت کے يہ ميٹھے رشتے

بھول کر بھی کبھی دشمن نا بناؤں تجھ کو

تيرے جانے پے مچلتا ہے بہت دل ليکن

ضبط اتنا ہے کے پھر بھی نا بلاؤں تجھ کو

زندگی کون سے تاروں کا فلک ہے فراز

کس طرح اپنا ستارہ ميں بناؤں تجھ کو

زخم کے پھول سے تسکین طلب کرتی ہے

بعض اوقات میری رُوح غضب کرتی ہے

جو تیری زُلف سے آتے ہُوں میرے آنگن میں

چاندنی ایسے اندھیروں کا اَدب کرتی ہے

اپنے انصاف کی زنجیر نہ دیکھو کہ یہاں

مفلسی ذہن کی فریاد بھی کب کرتی ہے؟

صحنِ گلشن میں ہَواؤں کی صدا غور سے سُن

ہر کلی ماتمِ صَد جشنِ طرب کرتی ہے

صرف دِن ڈھلنے پہ موقوف نہیں ہے دوست

زندگی زُلف کے سائے میں بھی شب کرتی ہے

اِسی امید پہ اب زندگی گزاروں گا

کبھی ملیں گے ترے پیار کے خزانے مجھے

مرے دُکھے ہوئے دل میں کِھلے گا صبر کا پُھول

قرار آئے گا آخر کسی بہانے مجھے

مجھے یقیں ہے کہ میرے بھی دن پھریں گے کبھی

کبھی تو آئے گا تُو بھی گلے لگانے مجھے

تُو بولتا ہے، تُو ہنستا ہے، کھیلتا ہے تُو

کوئی سنائے گا آ کر ترے فسانے مجھے

بس اک خوف ہے مجھ کو کہ برگِ خشک ہوں میں

گرا دیا جو کہیں شاخ سے ہوا نے مجھے

حیات و مرگ یہاں کس کے اختیار میں ہے

اگر دکھائی نہ صورت تری خدا نے مجھے

جو موت راہ میں دیوار بن گئی پیارے

جو تجھ سے ملنے کی مہلت نہ دی قضا نے مجھے

جس پر تر ی نظر پڑی وہ نُور ہو گیا

ہر کام تیرے نام سے حضور ہو گیا

مشکل گھڑی میں جب لیا میں نے خدا کا نام

آ سا ن ہر و ہ کا م پھر ضر و ر ہو گیا

برکت تھی وہ خلیل کی، رضاخدا کی تھی

ا د نا سا اِ ک پہا ڑ کو ہِ طو ر ہو گیا

تیر ا کرم ہوا جو ایک بار اس پہ تو

بندہ تر ا غلا م پھر حضو ر ہو گیا

آشفتہ حال تھا مگر تری جو ایک بار

نظرِ کرم ہوئی تو غم بھی دور ہو گیا

چہرہ ہمیں دِکھاتا جو اپنا کبھی کبھی

اب ٹوٹ کر وہ آئینہ بھی چُور ہوگیا

آئے گا وہ قریب کیوں ترے یہ تو بتا

انسان جب تُو ہی خدا سے دور ہوگیا

کر دے ہمیں معاف تُو مولا کریم ہے

ہم سے کو ئی خطا اگر قصور ہوگیا

ہنسنا اچھا نہیں لگتا تو رلا دیتی ہے

زندگی کیوں مجھے قسطوں میں سزا دیتی ہے

اب مرے دل کو بھٹکنے کا نہیں اندیشہ

ہر نئی سوچ مجھے راہ دکھا دیتی ہے

یہ سمجھ کر ہی تجھے دوست بنایا میں نے

دوستی دل کی سیاہی کو مٹا دیتی ہے

پیت میں دانہ نہیں ہے تو نہیں*غم اس کا

خوش لباسی مرا ہر عیب چھپا دیتی ہے

اپنی حاجت سے زیادہ نہ طلب کر کچھ بھی

حرص انسان کو نظروں سے گرا دیتی ہے

آدمی کوئی بھی ہو اس کی ذرا سی لغزش

خاک میں ساری عبادت کو ملا دیتی ہے

موسم ہجر میں *زخموں کی خموشی صابر

آنے والے کسی طوفاں کا پتا دیتی ہے

غمِ دل حیطۂ تحریر میں آتا ہی نہیں

جو کناروں میں سمٹ جاۓ وہ دریا ہی نہیں

اوس کی بوندوں میں بکھرا ہوا منظر جیسے

سب کا اس دور میں یہ حال ہے، میرا ہی نہیں

برق کیوں ان کو جلانے پہ کمر بستہ ہے

مَیں تو چھاؤں میں کسی پیڑ کے بیٹھا ہی نہیں

اک کرن تھام کے میں دھوپ نگر تک پہنچا

کون سا عرش ہے جس کا کوئی زینا ہی نہیں

کوئی بھولا ہوا چہرہ نظر آۓ شاید

آئینہ غور سے تو نے کبھی دیکھا ہی نہیں

بوجھ لمحوں کا ہر اک سر پہ اُٹھاۓ گزرا

کوئی اس شہر میں سُستانے کو ٹھہرا ہی نہیں

سایہ کیوں جل کے ہوا خاک تجھے کیا معلوم

تو کبھی آگ کے دریاؤں میں اترا ہی نہیں

موتی کیا کیا نہ پڑے ہیں تہِ دریا لیکن

برف لہروں کی کوئی توڑنے والا ہی نہیں

اس کے پردوں پہ منقش تری آواز بھی ہے

خانۂ دل میں فقط تیرا سراپا ہی نہیں

حائلِ راہ تھے کتنے ہی ہوا کے پر بت

تو وہ بادل کہ مرے شہر سے گزرا ہی نہیں

یاد کے دائرے کیوں پھیلتے جاتے ہیں شکیب

اس نے تالاب میں کنکر ابھی پھینکا ہی نہیں

اسے کیا خبر کہ پلک پلک روش ستارہ گری رہی

اسے کیا خبر کہ تمام شب کوئی آنکھ دل سے بھری رہی

کوئی تار تار نگاہ بھی تھی صد آئنہ، اسے کیا خبر

کسی زخم زخم وجود میں بھی ادائے چارہ گری رہی

میں اسیر شام قفس رہا مگر اے ہوائے دیارِ دل

سرِ طاقِ مطلعِ آفتاب مری نگاہ دھری رہی

سفر ایک ایسا ہوا تو تھا کوئی ساتھ اپنے چلا تو تھا

مگر اس کے بعد تو یوں ہوا نہ سفر نہ ہم سفری رہی

وہ جو حرفِ بخت تھا لوحِ جاں پہ لکھا ہوا، نہ مٹا سکے

کفِ ممکنات پہ لمحہ لمحہ ازل کی نقش گری رہی

ترے دشتِ ہجر سے آ چکے بہت اپنی خاک اڑا چکے

وہی چاک پیرہنی رہا وہی خوئے دربدری رہی

وہی خواب خواب حکایتیں وہی خالد اپنی روایتیں

وہی تم رہے وہی ہم رہے وہی دل کی بے ہنری رہی