کیا غمخوار نے رسوا، لگے آگ اس محبت کو

نہ لاوے تاب جو غم کی ،وہ میرا رازداں کیوں ہو

وفا کیسی کہاں کا عشق، جب سر پھوڑنا ٹھہرا

تو پھر اے سنگ دل، تیرا سنگ آستاں کیوں ہو

تم میرے نام کے ساتھ منسوب رہو گے

کبھی یہ حق جتانے پر بھی دل نہیں ملتے

عمر تیاگ کر اپنی، ہنستی دان کرتے ہوئے

کبھی خود کومٹانے پر بھی دل نہیں ملتے

انا کے بُت کدے مسمار کر کے اپنے ہاتھوں سے

کبھی خود کو گرانے پر بھی دل نہیں ملتے

جو رنجش زخم دیتی ہے وصل کے کئی حوالوں کو

کبھی اس کو بھلانے پر بھی دل نہیں ملتے

کبھی جذبوں کی بارش میں خود کو بھگوتے ہوئے

کبھی چاہت جتانے پر بھی دل نہیں ملتے

کبھی مل جاتے ہیں دل لمحوں میں

کبھی سانسوں کے جانے پر بھی دل نہیں ملتے۔

خاطر سے یا لحاظ سے میں مان تو گیا

جھُوٹی قسم سے آپ کا ایمان تو گیا

دل لے کے مُفت کہتے ہیں کچھ کام کا نہیں

اُلٹی شکائیتیں ہوئیں، احسان تو گیا

دیکھا ہے بُت کدے میں جو اے شیخ کچھ نہ پوچھ

ایمان کی تو بات ہے کہ ایمان تو گیا

افشائے رازِ عشق میں گو ذِلّتیں ہوئیں

لیکن اُسے جتا تو دیا، جان تو گیا

گو نامہ بر سے خوش نہ ہوا پر ہزار شکر

مجھ کو وہ میرے نام سے پہچان تو گیا

بزمِ عدو میں صورتِ پروانہ دل میرا

گو رشک سے جلا تیرے قربان تو گیا

ہوش و حواس و تاب و تواں داغ جا چکے

اب ہم بھی جانے والے ہیں سامان تو گیا

ملتے ہی خود کو آپ سے وابستہ کہہ دیا

محسوس جو کیا وہی برجستہ کہہ دیا

میں چپ ہُوا تو زخم مرے بولنے لگے

سب کچھ زبانِ حال سے لب بستہ کہہ دیا

خورشیدِ صبحِ نو کو شکایت ہے دوستو

کیوں شب سے ہم نے صبح کو پیوستہ کہہ دیا

چلتا رہا تو دشت نوردی کا طنز تھا

ٹھرا ذرا تو آپ نے پا بستہ کہہ دیا

دیکھا تو ایک آگ کا دریا تھا موجزن

اس دورِ نا سزا نے جسے رستہ کہہ دیا

دیکھی گئی نہ آپ کی آزردہ خاطری

کانٹے ملے تو ان کو بھی گلدستہ کہہ دیا

لہجہ اپنا وہ بہت صاف رکھتا تھا

منافقت میں کیا انصاف رکھتا تھا

لوگوں نے بنادیا اُسں کومیرا مُنصف

فیصلہ ہمیشہ جومیرے خلاف رکھتا تھا

“ تیرے بھیگے بدن کی خوشبو سے“

پھولوں کو یہ احساس ہوا

کوئی اور بھی ان سے بہتر ہے

کوئی اور بھی عنبر عنبر ہے

کسی اور کے گرد بھی بھونرے ہیں

جو اُس کو چاہ کر سنورے ہیں

تیرے بالوں کو جو دیکھتی ہے

وہ رات شرم سے مرتی ہے

اور چپکے چپکے کہتی ہے

وہ زلف بڑی ہی کالی ہے

سب جگ سے وہ نرالی ہے

تیری کاجل سے بھری آنکھوں کو

ہرنی چھپ چھپ دیکھتی ہے

اور من ہی من میں کُڑہتی ہے

کہ کسی اور کے نین میں جادو ہے

جو ہر ایک سے اب بے قابو ہے

تیرے چہرے کو جب وہ دیکھتا ہے

احسا س سے نظریں جھکا لے وہ

وہ چاند جو رات چمکتا ہے

ہر ٹوٹنے والے تارے سے

بس ایک ہی بات وہ کہتا ہے

“اک چاند زمین پہ رہتا ہے“

وہ فراقِ یار کی ایک شب

گزرنی تھی ہم پہ گزر گئی ہے

اُسی ایک رات میں ہم صنم

کبھی مر مر کر جیا کیئے

کبھی جی جی کر مرا کیئے

وہ وصلِ یار کے تمام لمحے

کبھی گلاب بن کر ملے مجھے

کبھی عذاب بن کر ملے مجھے

وہ لمحے جو پھول بن چکے تھے

تیری یادوں* کی دھول بن گئے ہیں

وہ لمحہ لمحہ عذاب ہوئے ہیں

میری بے کسی کی کتاب ہوئے ہیں

کہیں کوئی“ دیوارِ گریہ “ ملے

جس سے لپٹ کے میں بھی رولوں

وہ جو تیری نفرتوں کی

گرد سی جم چکی ہے

اپنے آنسووں سے میں بھی دھو لوں

کہ نئی زندگی کا آغاز کر لوں

اک نیا جہان آباد کرلوں

جہاں فرقتوں کی کوئی بات نہ ہو

جہاں نفرتوں کی کوئی رات نہ ہو

جہاں جدائیوں کو کوئی ہاتھ نہ ہو

کہ اب تو

وہ فراقِ یار کی ایک شب

گزرنی تھی ہم پہ گزر گئی ہے

چاند میری طرح پگلتا رہا

نیند میں*ساری رات چلتا رہا

جانے کس دُکھ سے دل گرفتہ تھا

منہ پر بادل کی راکھ ملتا رہا

میں تو پائوں*کے کانٹے چُنتی رہی

اور راستہ بدلتا رہا

رات گلیوں میں*جب بھٹکتی تھی

کوئی تو ساتھ جو ساتھ چلتا رہا

سرد رُت میں ، مُسافروں*کے لیے

پیڑ بن کر الائو جلتا رہا

موسمی بیل تھی میں*سُو کھ گئی

وہ تناور درخت پھلتا رہا

مجھے انتظار تیرا رہا

دلِ بے قرار تیرا رہا

کیا ہی اچھا کیا صنم

اب نا اعتبار تیرا رہا

نہیں منتظر نہیں اب نہیں

کوئی خاکسار تیرا رہا

تو ہے رند مجھے تو رندی ملی

بس خیال ہر بار تیرا رہا

کیا خرم یہ سچ ہے یا جھوٹ ہے

نا کے اب قھار تیرا رہا

بارش اب بھی ہوتی ہے، میری یادیں بھگوتی ہے

وہ لمحہ یاد ہے اب بھی ، بھلاؤں گا بھلا کیسے

میرے ہاتھوں کو اپنے ہاتھ میں لے کر

میری آنکھوں کو بوسہ دے کر

کہا تھا تم نے اک پل کو

یہ چاہت کے سبھی پیغام

یہ برساتیں تمہارے نام

وہ اِک تھا میرا اپنا، محبت سے بھرا سپنا

ہاں بارش اب بھی ہوتی ہے

میرے بنجر ہاتھوں کو دیکھ کر

میرے ساتھ روتی ہے

میری آنکھیں بھگوتی ہے