صرف دو ڈر ایسے ہیں جو انسان لے کر پیدا ہوتا ہے۔
اونچی آواز کا ڈر
گرنے کا ڈر
اس کے علاوہ باقی ڈر وقت کے ساتھ ساتھ عمر کے بڑھنے سے آتے ہیں۔

امریکی ٹیکنالوجی جائنٹ ایپل کے کسی اسٹور میں اگر آپ ان کی پراڈکٹ کا نام درست طریقے سے نہیں لیتے یعنی غلط پرناونس کرتے ہیں تو اسٹور پر کام کرنے والے ورکرز کو آپ کا لیا گیا نام درست کروانے کی اجازت نہیں۔
ایسا اس لیے ہے کہ گاہگ کو شرمندگی سے بچایا جا سکے

بچپن میں لڑکیاں لڑکوں کی نسبت پہلے بولنا شروع کرتی ہیں، صرف الفاظ نہیں جملے بھی پہلے بولنا سیکھ لیتی ہیں اور پڑھنا بھی لڑکوں کی نسبت جلدی سیکھ لیتی ہیں
ایسا کیوں ہوتا ہے یہ اس معلوماتی آرٹیکل میں پڑھ سکتے ہیں

شہد کو اگر ڈھانپ کر رکھا جائے تو یہ کبھی خراب نہیں ہوتے۔کئی کئی ہزار سال پرانے شہد کے برتن بھی دریافت ہوئے جن میں موجود شہد قابل استعمال تھا۔

امریکہ کے سابقہ صدر جان ایف کینیڈی نے کبھی بھی اپنی صدارت کی تنخواہ جو کہ ایک لاکھ پچاس ہزار ڈالرز تھی۔(پرانے وقتوں میں یہ بہت بڑی رقم تھی) قبول نہیں کی۔یہ تنخواہ ہمیشہ خیراتی اداروں میں دی جاتی تھی

سن ۲۰۱۰ میں ایک آسٹریلوی بچہ جمی نو ماہ کی بجائے آٹھ ماہ بعد پیدا ہو گیا تھا، اور اسے سانس نہیں آ رہا تھا۔ بیس منٹ کی کوشش کے بعد بھی ڈاکٹرز سانس لانے میں ناکام رہے اور اسکو مردہ قرار سے دیا۔ لیکن اسکی ماں دو گھنٹے اسے اپنے سینے کے ساتھ لگا کر لیٹی رہی حتیٰ کہ بچے نے سانس لینا شروع کر دیا۔

حرم کے سلسلے میں عرب شیوخ خاصے بدنام ہیں۔ لیکن دنیا میں ایسے لوگوں کی کمی نہیں جو حرم کے باب میں عربوں کے کان کاٹتے نظر آتے ہیں۔ ذیل کی مختصر سی فہرست سے یہ اندازہ لگایا جا سکتا ہے کہ اس دنیا میں کیسے کیسے نامدار شوہر اور بیویاں موجود رہی ہیں۔

۔ شہنشاہ  مونگٹ (اس پر "دی کنگ اینڈ آئی" نامی فلم بھی بن چکی ہے) -------- سیام --------- نو ہزار بیویاں
 ۔شہنشاہ موٹیسا ---------- یوگنڈا ---------- سات ہزار بیویاں
 ۔شاہ سلمان ---------- اسرائیل ---------- سات سو بیویاں
 ۔آگسٹس دی اسٹرونگ ---------- سیکسونی ---------- تین سو پچاس بیویاں
 ۔فان آف بالکم ---------- کیمسٹرن ---------- ایک سو بیویاں
 ۔جوزف اسمتھ ---------- امریکہ ---------- انچاس بیویاں
۔ابن سعود ---------- سعودی عرب ---------- پینتیس بیویاں
۔برگھم ینگ ---------- امریکہ ---------- ستائیس بیویاں۔۔
۔ ہیرونی مس ---------- روم ---------- اکیس بیویاں۔
۔ گیلن ڈی ماس ---------- امریکہ ---------- انیس بیویاں

کچھ نامور خواتین ایسی بھی ہیں جو بیک وقت کئی کئی شوہروں کی بلا شرکت غیرے مالک رہی ہیں۔

۔ ملکہ کاہینا ---------- باربیری ---------- چار سو شوہر
۔ مقریسیا ووگن ---------- انگلینڈ ---------- اکسٹھ شوہر
۔ لوزیانا ایلن ---------- امریکہ ---------- سولہ شوہر
۔ مارتھا جین بروک ---------- امریکہ ---------- بارہ شوہر
۔ میری میکڈونلڈ ---------- امریکہ ---------- آٹھ شوہر

سعودی عرب کے شہر جازان کے ایک پچاس سالہ شخص کی چار بیگمات شعبہ تعلیم سے وابستہ ہیں۔ 

دلچسپ امر یہ ہے کہ ان کی تین بیگمات ایک ہی سکول سے طالبہ، استانی اور ڈائریکٹر کی حیثیت سے منسلک ہیں۔ طرفہ تماشہ یہ ہے کہ منفرد شوہر کی چوتھی اہلیہ ایجوکیشن ڈائریکٹر ہیں جو بربنائے عہدہ اپنی تین سوتنوں کے سکول کی نگران ہیں۔

سعودی روزنامے 'عکاظ' نے سعودی شہری کی تیسری اہلیہ تزامل [استانی] کے حوالے سے بتایا کہ ڈائریکٹر زوجہ اپنی زیر تعلیم اور استانی سوتن سے دوسری طالبات اور استانیوں جیسا سلوک روا رکھتی ہیں۔

اخبار کے مطابق یہی صورتحال ایجوکیشن ڈائریکٹر بیگم کی ہے کہ جو کبھی کبھار اپنی 03 سوتنوں کے سکول کے معائنے کے لئے آتی ہیں۔ سکول کی دوسری استانیاں اور طالبات ایجوکیشن ڈائریکٹر کے دورے کے موقع پر بریک کے دوران اس منفرد میل پر آپس میں چہ مہ گوئیاں کرتی نظر آتی ہیں۔

چودہ اگست دو ہزار دس کو بیجنگ میں نیشنل ہائی وے پر دنیا کا سے لمبا ٹریفک جام ہوا۔۔۔جو کہ سو کلومیٹر سے زائد تک پھیلا ہوا تھا اور گیارہ دن تک گاڑیاں پھنسی رہیں زیادہ تر لوگ ایک دن میں محض ایک کلومیڑ کے حساب سے ہی اپنی گاڑی آگے سرکا سکے۔

گوگل کے تحت کام کرنے والے اگر کسی ورکر کی موت ہو جاتی ہے تو اس کے یا اس کی شریک حیات کو اگلے دس سال تک گوگل کی جانب سے اس مرحوم شخص کی آدھی تنخواہ دی جاتی ہے۔