شہد کی مکھیوں کی کالونی یا چھتے میں ایک ملکہ ہوتی ہے جسے کوئین بی
Queen Bee
کہا جاتا ہے۔۔اس ملکہ پر سب سے زیادہ ذمہ داریاں عائد ہوتی ہیں لیکن جیسے ہی یہ ملکہ بوڑھی ہونا شروع ہوتی ہے یا ان فٹ ہونے کی وجہ سے اپنی ذمہ داریاں نہ نبھا سکے تو اس کی خادم مکھیاں یعنی ورکر مکھیاں اس کے جسم کے اردگرد جھنڈ بنا کر اکٹھی ہو جاتی ہیں اور اس وقت تک اس کی جان نہیں چھوڑتیں جب تک وہ ملکہ رانی زیادہ حدت کی وجہ سے مر نہ جائے۔۔
موت کے اس عمل کو کوڈل ڈیٹھ کہا جاتا ہے
Cuddle Death
مزید حوالے کے لیے وکی پیڈیا کا یہ لنک ملاحظہ فرمائیں

روس کے دارلحکومت ماسکو میں سب وے ٹرین سروس استعمال کرنے کے لیے ٹکٹ کی قیمت تیس دفعہ اٹھک بیٹھک ہے۔روسی حکام کا یہ فیصلہ اپنی عوام کو ورزش کی عادی بنانے اور فٹ رکھنے کی جانب ایک بہترین قدم ہے۔
 

دو ہزار سات۔۔پیزا ہٹ کی ایک ویٹرس جو کہ مالی حالات کی خرابی کی وجہ سے کالج چھوڑنے پر پریشان تھی۔۔۔۔وہاں ایک کسٹمر کو جب اس کی پریشانی کا پتا چلا۔۔۔اس نے اس ویٹرس کو دس ہزار ڈالرز یعنی قریبا پاکستانی بارہ لاکھ روپے ٹپ دی۔
 

پوری اسٹوری یہاں پڑھیں

برج العرب دنیا کا پر آسائش ترین ہوٹل ہے یہ دنیا کا واحد سیون سٹار ہوٹل ہے۔
اب برج العرب میں ایک سوئیٹ(Suite) بکنگ کے بعد آپ کو ایک عدد آئی پیڈ سے نوازا جائے گا یہ آئی پیڈ خاص طور پر برج العرب کے لوگو کے ساتھ ڈیزائن کیا ہے،۔۔۔یہ آئی پیڈ چوبیس قیراط سونے سے تیار کیا گیا ہے اس آئی پیڈ میں ہوٹل کی پوری انفارمیشن درج ہے ۔۔پورے ہوٹل کا نقشہ موجود ہے اور کھانے کے مینیو سے لے کر ہر قسم کی خدمات کی معلومات موجود ہیں۔۔اپنے قیام کے دوران کسٹمر اسے استعمال کر سکتا ہے۔



دکھ کی بات یہ ہے کہ چیک آوٹ کرتے وقت یہ آئی پیڈ انتظامیہ کو واپس کرنا ہو گا۔

انیس سو چھے میں سان فرانسسکو میں شدید زلزلہ آیا جس سے بہت سی گیس پائپ لائنیں پھٹ گئیں اور شہر کی کئی عمارتوں کو آگ لگ گئی ایسے میں ایک ہوٹل کی چھت پر بھی آگ لگ گئی۔ ہوٹل کی چھت پر تین لوگ تھے اور ہوٹل گرنے کے قریب تھا ایک ملٹری آفیسر نے جب یہ صورت حال دیکھی کہ ہوٹل کی عمارت گرنے والی ہے اور آگ بڑھتی جا رہی ہے ان تینوں کو بچانا مشکل ہے یہ زندہ جل کر مر جائیں گے اس ملٹری آفیسر نے اپنے شوٹرز کو حکم دیا کہ ان تینوں کو گولی مار دی جائے تا کہ یہ زندہ جلنے جیسی دردناک موت سے بچ کر گولی کی آسان موت مر جائیں اور پچاس ہزار لوگوں کی موجودگی میں ان تینوں افراد کو گولی مار دی گئی۔

 

اگست انیس سو پچاسی میں ایک پول پر ایک پارٹی کا اہتمام کیا گیا ۔۔اس پورے سال پورے سیزن میں اس پول پر کسی کے ڈوبنے کا واقعہ نہیں ہوا تھا لہذا یہ پارٹی اسی خوشی کے سلسلے تھی کہ اس سیزن اس سال اس پول پر کوئی ناخوشگوار واقعہ نہیں ہوا۔۔۔اس پارٹی میں قریبا دو سو کے قریب لوگ شرکت کر رہے تھے اور ان دو سو میں سے ایک سو کے قریبا لائف گارڈز تھے یعنی ماہر تیراک تھے۔۔جن کی ڈیوٹی ڈوبنے والوں کو بچانے کی ہوتی ہے۔۔ان سو میں سے اس وقت چار ڈیوٹی پر بھی تھے۔۔
اب ذرا دھیان دیں
پارٹی ہے کہ پورے سیزن میں کوئی ناخوشگوار واقعہ نہیں ہوا
کوئی ڈوب کر نہیں مرا
سو کے قریب ماہر ترین تیراک موجود ہیں
ان میں سے چار ڈیوٹی پر موجود ہیں

اور

اسی پارٹی کے دوران اکتیس سالہ شخص جیروم موڈی اس پول میں ڈوب کر مر گیا۔۔
 

حوالے کے لیے نیو یارک ٹائمز

کیا آپ جانتے ہیں کہ کوکا کولا ایک سو ستائیس سال پرانی کمپنی ہے

اس کا آغاز اٹھارہ سو چھایسی میں ہوا۔اپنے آغاز کے پہلے سال کے تین سو پینسٹھ دنوں میں کوکا کولا کی صرف پچیس بوتلیں ہی بک پائیں تھیں۔۔۔لیکن اس کے مالک نے ہمت نہیں ہاری اور آج کوکا کولا ایپل کے بعد دنیا کی دوسرا مہنگا ترین برانڈ ہے۔
کوکا کولا نے انیس سو چون میں عرب دنیا کے لیے " زم زم کولا" نامی کولڈ ڈرنگ بھی نکالی۔

مزید تفصیل یہاں پڑھیں

فرانس کی آبادی قریبا سات کروڑ ہے مگر فرانس میں ہر سال آٹھ کروڑ کے قریب سیاح آتے ہیں۔یعنی اتنی فرانس کی آبادی نہیں جتنے وہاں سیاح آتے ہیں۔

اوکی ناوا جزیرہ
Okinawa Island
یہ جاپان کا ایک ایسا جزیرہ ہے جہاں ساڑھے چار سو زیادہ ایسے لوگ رہتے ہیں جن کی عمر سو سال سے زیادہ ہے۔۔دنیا میں کہیں اور ایسا مقام نہیں 

برازیل کی جیلوں میں اگر کوئی قیدی ایک کتاب مکمل پڑھ لیتا ہے اور اس کتاب کے بارے ایک عدد رپورٹ لکھتا ہے تو اس کی سزا سے چار دن کم ہو جائیں گے۔ قیدیوں کو ایک کتاب پڑھنے اور اس پر مضمون یا رپورٹ لکھنے کے لیے ایک ماہ دیا جاتا ہے اگر وہ کتاب پڑھ کر اس کتاب بارے رپورٹ لکھنے میں کامیاب ہو جاتے ہیں تو ان کی سزا میں سے چار دن کم کر دیے جاتے ہیں۔۔ایسے سال کے بارہ ماہ میں بارہ کتب پڑھ کر ان کے بارے رپورٹ لکھ کر قیدی ہر سال اڑتالیس دن کی چھوٹ پا سکتے ہیں۔