میں کیا لکھوں کہ جو میرا تمہارا رشتہ ہے

وہ عاشقی کی زباں میں کہیں بھی درج نہیں

لکھا گیا ہے بہت وصل و درد فراق

مگر یہ کیفیت اپنی رقم نہیں ہے کہیں

یہ اپنا عشق ہم آغوش جس میں ہجر و وصال

یہ اپنا درد کہ ہے کب سے ہمدم مہ و سال

اس عشق ِ خاص کو ہر ایک سے چھپائے ہوئے

گزر گیا ہے زمانہ گلے لگائے ہوئے

اک لمحہ وصال سے آگے نکل گیا

میں خواہشوں کے جال سے آگے نکل گیا

کچھ میں بھی ناشناس تھی اس کارِ خیر میں

ہر زخم ہر ملال سے آگے نکل گیا

چہرے پہ اس کے رنج کے آثار دیکھ کر

چپ چاپ ہر سوال سے آگے نکل گیا

کچھ دن تیرے وصال نے مدہوش کر دیا

میں خواہشِ مال سے آگے نکل گیا

ایسے غمِ حیات نے بانہوں میں لے لیا

میں اپنی دیکھ بھال سے آگے نکل گیا

تو بھی میرے وجود سے آزاد ہو گئی

میں بھی تیرے خیال سے آگے نکل گیا

اگر چاہو تو آنا کچھ نہیں دشوار، آنکلو

شروع شب کی محفل ہے مری سرکار، آنکلو

تمہیں معلوم ہے ہم تو نہ آنے کے نہ جانے کے

تڑپتا ہے تمہیں جی دیکھنے کو یار، آنکلو

بھروسہ ہی نہیں تم کو کسی پر اور یہاں سب ہیں

تمہارے ساتھ آنے کے لیے تیار، آنکلو

خرابے میں، سرشام ِ تمنا، اے شہ ِ خوباں

لگا خانہ خرابوں کا ہے ایک دربار، آنکلو

جو آنکھیں ہو گیئں محروم راتوں میں بھی خوابوں سے

ہیں دن میں بھی وہ خوابوں ہی کی جانبدار، آنکلو

تمہیں ہم سے ملے گا کیا مگر ہم پھر تمہارے ہیں

ہماری قدر جانو اور یونہی بیکار، آنکلو

اگر پوشیدہ رہنا مخبروں سے ہے تو پھر یارو

ہماری مصلحت مانو سربازار آنکلو

کوئے خواہش میں خم بہ خم ٹھہروں

دم نہ لوں اور دم بہ دم ٹھہروں

فرصت ِ یک نفس نہیں ورنہ

میں تو خود میں قدم قدم ٹھہروں

دور ِ مستی میں جام ٹھرے تُو

میں جو ہوں، میری جاں ! جم ٹھہروں

آرزو ہے کہ دشت ِ وحشت میں

اے غزالہ! میں تیرا رم ٹھہروں

میں ہوں ایک ایسی راہ میں کہ جہاں

نہ چلوں اور بہت ہی کم ٹھہروں

ساری دنیا کے غم ہیں میرے غم

میں بھی اخر کسی کا غم ٹھہروں

ایک ہوس ہے کہ تیرے لب پر میں

اپنی ہی جان کی قسم ٹھہروں

صحفہ ذات پر رقم ہو حیات

تو دوات اور میں قلم ٹھہروں

تیری توصیف کے قصوں نے بدگماں نہ کیا

مجھے رقیب کے فتنوں نے بد زباں نہ کیا

میں تیرے حسن کی رعنائیوں سے واقف ہوں

مصلحت ہے کہ تیرے حسن کا بیاں نہ کیا

ہزار وسوسے لوگوں نے دل میں ڈالے مگر

میرے یقین نے اس دل کو بے اماں نہ کیا

میرے قرار کا سکوت ٹوٹ جانے پر بھی

میرے دل نے اپنے درد کو عیاں نہ کیا

میرے دل نے تو ہمیشہ میرا ساتھ دیا ہے

میری آنکھوں نے مگر درد کو نہاں نہ کیا

ناز تجھے جلا نہ دیں یہ دھوپ کے سائے

کیوں تو نے اپنے لئے کوئی سائباں نہ کیا

مکاں سے لامکاں تک

زمیں سے آسماں تک

کوئی بے نام جذبہ

کوئی گمنام رستہ

ہمیں لے جائے گا یہ

یہاں سے اب کہاں تک

کوئی ان دیکھی خوشبو

نگاہوں کی زباں تک

کوئی انجانی خواہش

تخیل سے بیاں تک

لبوں کی خامشی سے

اظہار و بیاں تک

تسلسل کی زمیں سے

ساکن آسماں تک

یہ ان دیکھے نظارے

ظاہر سے نہاں تک

یہ رازھائے دریدہ

پوشیدہ سےعیاں تک

تجسّس کے سفر سے

طلب کے کارواں تک

یہ اپنے طالبوں کو

نہ لے جائے وہاں تک

مکاں سے لامکاں تک

زمیں سے آسماں تک

ابھی ابھی دل ٹوٹا ہے

ابھی نہ چھوڑ کر جاؤ ہمیں

کچھ ساتھ رہنے دو

کچھ پاس پاس رہنے دو

وہ آواز جس میں بستی زندگی

اس زندگی کو ہمارے ساتھ رہنے دو

کچھ تو ساتھ رہنے دو

کچھ تو پاس رہنے دو

شکستہ دل ہے ابھی

ڈوبتی زندگی ہے ابھی

بھیگے بھیگے اس آنگن میں

گرتی ہوئی بارش کی بوندوں میں

میرے آنسوؤں کی لڑیوں میں

تیرا احساس چھپا ہوا ہے

میرے بس میں ہو تو کبھی کہیں

کوئی شہر ایسا بساؤں میں

جہاں فاختاؤں کی پھڑپھڑاہٹ سے نغمہء رازِ حیات میں

جھنجھناتی سانسوں کی جھانجھریں جو چھنک اُٹھیں

تو دھنک کے رنگوں میں بھیگ جائیں حواس تک

جہاں چاند ماند نہ ہو کبھی ، جہاں چاندنی کی رِدا بنے

میری بانجھ دھرتی کے باسیوں کا لباس تک

جہاں صرف حکمِ یقیں چلے ، جہاں بے نشاں ہو قیاس تک

جہاں آدمیت کے نطق و لب پہ ، نہ شہرِ یار کا خوف ہو

جہاں سرسرائے نہ آدمی کی رگوں میں کوئی ہراس تک

جہاں وہم ہو نہ دلوں میں وہم کا سہم ہو

جہاں سچ کو سچ سے ہو واسطہ

جہاں جگنو کو ہوا دکھاتی ہو راستہ

جہاں خوشبوؤں سے بدلتی رُت کو حسد نہ ہو

جہاں پستیوں سے بلندیوں کو بھی قد نہ ہو

جہاں خواب آنکھوں میں جگمگائیں تو۔۔۔۔۔

جسم و جاں کے سبھی دریچوں میں تیرگی کا گزر نہ ہو

کوئی رات ایسی بسر نہ ہو کہ ، بشر کو اپنی خبر نہ ہو

جہاں داغ داغ سحر نہ ہو

جہاں کشتیاں ہوں رواں دواں ۔۔ تو سمندروں میں بھنور نہ ہو

جہاں برگ و بار سے اجنبی کوئی ، شاخ کوئی شجر نہ ہو

جہاں چہچہاتے ہوئے پرندوں کو ، بارشوں کے عذاب کا کوئی ڈر نہ ہو

میرے بس میں ہو تو کبھی کہیں کوئی شہر ایسا بساؤں میں

جہاں برف برف محبتوں پہ غمِ جاں کا اثر نہ ہو

راہ و رسمِ دنیا کی بندشیں غمِ ذات کے سبھی ذائقے

سمے کائنات کی تلخیاں کسی آنکھ کو بھی نہ چھو سکیں

جہاں میری سانس کی تازگی ، تیری چاہتوں کے کنول میں ہو

تیرا حسن میری غزل میں ہو ، جہاں کائنات کی اِ ک صدف

شب و روز کے کسی پل میں ہو

جہاں نوحہء غمِ زندگی ، میری ہچکیوں سے عیاں نہ ہو

جہاں لوھِ خاک پہ عمر بھر ، کسی بے گناہ کے خون کا

کوئی داغ ، کوئی نشاں نہ ہو

کوئی شہر ایسا کبھی کہیں بساؤں میں

جہاں دھوپ چھاؤں گلے ملیں

جہاں بانجھ رُت میں بھی گُل کھلیں

جہاں چاہتوں کے ہجوم میں ، کبھی گیت امن کے گاؤں میں

جہاں زندگی کا رِجز پڑھوں ، جہاں بے خلل گنگناؤں میں

جہاں موج موج کی اوٹ میں تو کرن بنے ، مسکراؤں میں

میرے بس میں ہو تو کبھی کہیں

کوئی شہر ایسا بساؤں میں ۔۔۔۔۔۔۔۔۔۔۔

اس دل بے قرار کا کیا کریں جس میں تم رہتے ہو

اس زبان کا کیا کریں جس پر ہر دم نام تیرا ہو

رات ہو یا دن ہو ہر پل تیرے دیدار کی خواہش ہو

سب کو بتانا چاہتا ہوں تم ہی تو میری دل کی ملکہ ہو

تم ہی تو میرے دل کی نگری میں بستے ہو

خواہش ہے مرتے وقت میرے لبوں پر نام تیرا ہو

جب دل میں کوئی اترتا نظر آتا ہے

عاشقوں کو، کوہ طور نظر آتا ہے

تو کیا سمجھے میں کیا سمجھوں

ہماری سمجھ میں یہ کدھر آتا ہے

ہم دل کے ٹوٹنے سے ڈرتے ہیں

پیار محبت ہم کو سپنا نظر آتا ہے

چل کھیل کھیلیں ہاں کھیل کھیلیں

پیار کے کھیل میں کیا مزہ آتا ہے

میرا دل تیرا دل، تیرا دل میرا دل

سنبھال کے رکھنا ہمیں بھی آتا ہے

کھیل ہی کھیل میں پیار ہو گیا تو

پیار پہ جان دینا ہمیں بھی آتا ہے