پاؤں کے زخم دکھانے کی اجازت دی جاۓ

ورنہ رہگير کو جانے کی اجازت دی جاۓ

کوئ ترياق نہيں غم کا،علاوہ غم کے

زہر ميں زہر ملانے کی اجازت دی جاۓ

دوغلے پن کا ہنر سيکھ ليا ہے ميں نے

اب مجھے شہر ميں آنے کی اجازت دی جاۓ

کار _ دنيا!! مجھے مجنوں نہيں بننا ہے،مگر

عشق ميں نام کمانے کی اجازت دی جاۓ

اس قدر ضبط مری جان بھی لے سکتا ہے

کم سے کم اشک بہانے کی اجازت دی جاۓ

يہ زمانہ تو نہ تھا ميرے موافق مولا!۔

اب مجھے اگلے زمانے کی اجازت دی جاۓ

نا کرو اگر تم ہم سے نبھاہ نہیں کرتے

لیکن اس طرح کسی کو تباہ نہیں کرتے

آؤ بیٹھ کے کر لیتے ہیں یہیں کوئی بات

اپنوں سے شکوے یوں سرِراہ نہیں کرتے

ہم پہ بھی ستم کم نہ ہوئے لیکن اے دوست

قرق یہ ہے تمہاری طرح آہ نہیں کرتے

خود سے بھی بڑھ کر تجھے چاہتے ہیں ہم

پھر جسے چاہیں اس سے دھوکہ نہیں کرتے

لوگ اڑاتے ہیں اڑانے دو محبت کا مزاق

ہم تو کھبی لوگوں کی پرواہ نہیں کرتے

میں زندگی ک رستے میں چپ چاپ بکھر جاتا

اگراک روز اپنی تنہائی سے ڈر جاتا

کل سامنے منزل تھی اور پیچھے اسکی آواز

رکتا تو سفر جاتا چلتا تو بچھڑ جاتا

جینے کی اک امنگ میر ے پاس تو رہی

کچھ دیر کو سہی یہ خوشی راس تو رہی

یا دوں کے اثا ثے ہیں میر ے پاس بہت سے

کچھ وقت گذاری کی مجھے آس تو ر ہی

یہ کیسا جام تھا جسے پینے کے بعد بھی

سانسیں ہو ئیں بحال مگر پیا س تو رہی

جس کی مجھے تلاش تھی وہ ہی نہ مل سکا

لوگوں کی ورنہ نظر کرم خاص تو رہی

مانو کے دل کسی پہ بھی آیا نہیں کبھی

حالانکہ وصل رت بھی میرے پاس تو رہی

خو شبو تیری بچھڑ کے بھی تجھ سے میرے حبیب

........بن کر تیرے وجود کا احساس تو رہی

تو جاناں

اب جُدائی کی گھڑی نزدیک آتی ہے

چلو آنکھیں پہ بوسہ دو

کہ اب بچھڑے تو شاید پھر کبھی ملنے نہ پائیں ہم

زمانہ درمیاں یوں آ گیا ہے

کہ اب دُوری یقینی ہو گئی ہے

ہم اپنے آپ میں گُم بڑھتے جاتے تھے

بلا سوچے بلا سمجھے

مگر اب کے

زمانہ درمیاں یوں آ گیا ہے

کہ خوابوں کی کوئی تعبیر ممکن ہی نہیں ہے

اور کچھ اس میں ہماری اور تمھاری نیتّوں کا دوش بھی ہے

تو جاناں

اَب جُدائی کی گھڑی نزدیک آتی ہے

چلو آنکھوں پہ بوسہ دو

کہ اب بچھڑے تو شاید پھر کبھی ملنے نہ پائیں ہم

ہر دردمند پاکستانی کے دل کی آواز کو بہت خوبصورت طریقے سے اشعار میں ڈھالا گیا ہے۔

بہت عمدہ شیرئنگ ہے۔

دل پر چوٹ جس نے کھائی،جس نے جُدائی دیکھی ہے اُس کے دل کو چیر دینے والی شاعری ہے

بہت عمدہ زبردست۔

جس کی مجھے تلاش تھی وہ ہی نہ مل سکا

لوگوں کی ورنہ نظر کرم خاص تو رہی

واہ کیا خوب شعر ہے۔۔بہت عمدہ بہت خوب

رکتا تو سفر جاتا،چلتا تو بچھڑ جاتا

واہ بہت خوب،یہ اتنی اچھی شاعری کہاں کہاں سے ڈھونڈ کر لاتی ہو ؟

اپنوں سے شکوے یوں سرِراہ نہیں کرتے

بہت بہت بہت خوب بہت عمدہ