پھرتے ہیں اب دربدر کبھی اُس نگر اب اِس نگر

ایک دوسرے کے ہمسفر ، میں اور میری آوارگی

نہ آشنا ہے رہ گذر ، نہ مہرباں سب کی نظر

جائیں تو اب جائیں کہاں کدھر ، میں اور میری آوارگی

ہم بھی کبھی آباد تھے ایسے کہاں بربا د تھے

بے فکر تھے آزاد تھے ، مسرُور تھے دل شاد تھے

وہ چال ایسی چل گیا ، ہم بجھ گئے دل جل گیا

نکلے جلا کر اپنا گھر ، میں اور میری آوارگی

یہ دل تھا جو سہہ گیا ، وہ بات ایسی کہہ گیا

کہنے کو پھر کیا رہ گیا ، اشکوں کا دریا بہہ گیا

جب کہہ کر وہ دلبر گیا ، میں تیرے لیئے مَر گیا

روتے ہیں اُس کو رات بھر ، میں اور میری آوارگی

پھرتے ہیں اب دربدر ، کبھی اُس نگر کبھی اُس نگر

موم کی طرح پگھلتے ہوئے دیکھا اُسکو

رُت جو بدلی تو بدلتے ہوئے دیکھا اُسکو

وہ جو کاندھوں کو بھی نرمی سے چھوا کرتا تھا

ہم نے پھولوں کو مسلتے ہوئے دیکھا اُسکو

جانے کس غم کو چھپانے کی تمنّا ہے اُسے

آج ہر بات پہ ہنستے ہوئے دیکھا اُسکو

اگرچہ میں اک چٹان سا آدمی رہا ہوں

مگر ترے بعد حوصلہ ہے کہ جی رہا ہوں

وہ ریزہ ریزہ مرے بدن میں اتر رہا ہے

میں قطرہ قطرہ اُسی کی آنکھوں کو پی رہا ہوں

تری ہتھیلی پہ کس نے لکھا ہے قتل میرا

مجھے تو لگتا ہے میں تیرا دوست بھی رہا ہوں

کھلی ہیں آنکھیں مگر بدن ہے تمام پتھر

کوئی بتائے میں مر چکا ہوں کہ جی رہا ہوں

کہاں ملے گی مثال میری ستمگری کی

کہ میں گلابوں کے زخم کانتوں سے سی رہا ہوں

نہ پوچھ مجھ سے کہ شہر والوں کا حال کیا تھا

کہ میں تو خود اپنے گھر میں دوگھڑی رہا ہوں

ملا تو بیتے دنوں کا سچ اُس کی آنکھوں میں تھا

وہ آشنا جس سے مدتوں اجنبی رہا پوں

بھلا دے مجھ کو کہ بے وفائی بجا ہے لیکن

گنوا نہ مجھ کو کہ میں تری زندگی رہا ہوں

وہ اجنبی بن کے اب ملے بھی تو کیا ہے محسن

یہ ناز کم ہے کہ میں بھی اُس کا کبھی رہا ہوں

بُت کدے جا کے کسی بت کو بھی سجدہ کرتے

ہم کہاں سوچ بھی سکتے تھے کے ایسا کرتے

عمر بھر کچھ بھی تو اپنے لیے ہم نے کیا!

آج فرصت جو ملی ہم کو تو سوچا، کرتے

ہم تو اس کھیل کا حصہ تھے ازل سے شاید

سو تماشہ جو نہ بنتے تو تماشہ کرتے

دل کو تسکین ہی مل جاتی ذرا سی اس سے

نہ نبھاتے چلو تم کوئی تو وعدہ کرتے

جوڑنے میں تو یہ پوریں بھی لہو کر ڈالیں

کرچیوں کو جو نہ چھوتے تو یہ اچھا کرتے

بھول جانے کا ارادہ بھی ارادہ ہی رہا

جان پر بن ہی تو جاتی جو ہم ایسا کرتے

اس اماوس نے کیے قتل کئی چاند بتول

ہم اُجالے کی کہاں اِس سے تمنا کرتے

چمن روئے ہنسے شبنم بیاباں پر نکھار آئے

اکِ ایسا بھی نیا موسم میرے پروردگار آئے

وہ سر کھولے ہماری لاش پر دیوانہ وار آئے

اسی کو موت کہتے ہیں تو یارب بار بار آئے

سرِ گورِ غریباں آؤ لیکن یہ گزارش ہے

وہاں منہ پھیر کے رونا جہان میرا مزار آئے

بہا اے چشمِ تر ایسا بھی اِک آنسوُ ندامت کا

جسے دامن پہ لینے رحمتِ پروردگار آئے

قفس کے ہو لئے ہم تو مگر اے اہلِ گلشن تم

ہمیں بھی یاد کرلینا چمن میں جب بہار آئے

نہ جانے کیا سمجھ کر چپ ہوں اے صیّاد میں ورنہ

وہ قیدی ہوں گرچہ ہوں قفس میں بھی بہار آئے

دل کیا ہے میں تو ان کی خاطر جان بھی دیدوں

میری قسمت اگر ان کو نہ پھر بھی اعتبار آئے

بھیگے بھیگے موسموں کا آنسو ہو تم

پہلی پہلی بارش میں مٹی کی خوشبو ہو تم

گاؤں میں تم چھاؤں ٹھنڈے پیڑ کی تمثیل ہو

گہری گہری روشنی میں شام کا پہلو ہو تم

ہجرتوں کے دور میں ہو واپسی کی آرزو

واپسی کی آرزو میں شوقِ بے قابو ہو تم

تم پرندوں کی دعاؤں میں بشارت خیر کی

یا سکوتِ شام میں اِک روشنی ہر سُو ہو تم

سہمی سہمی آرزو کو بےخطر تم نے کیا

ٹھہرے ٹھہرے بادلوں میں برقِ خندہ رو ہو تم

مجھ کو چراغِ شام کی صورت جلا کے دیکھ

آ،اے اندھیری رات مجھے آزما کے دیکھ

موجیں کبھی تو ہاریں تیرے یقین سے

ساحل پہ روز اک گھروندا بنا کے دیکھ

ٹوٹی ہوئی منڈیر پہ چھوٹا سا اک چراغ

موسم سے کہہ رہا ہے، آندھی چلا کے دیکھ

ابھروں گی تیرے ماتھے پہ تقدیر بن کے میں

حرفِ غلط ، پیہم مٹا کے دیکھ

مانا کہ میں ہزار فصیلوں میں قید ہوں

لیکن کبھی خلوص سے مجھ کو بلا کے دیکھ

اپنے اندر کے اندھیروں کو مرے ساتھ نہ کر

دل نہ مانے جو ترا مجھ سے ملاقات نہ کر

اک اجالا سا رہے پچھلی ملاقاتوں کا

بدگمانی کی گھٹاں سے یہاں رات نہ کر

دیکھ!ڈھ جائیں گے یہ کچے گھروندے دل کے

اتنی شدت سے تو خدشات کی برسات نہ کر

کوئی معصوم سا جذبہ بھی سرِ کعب دل

ہو جسے اذن کہ پابندیِ میقات نہ کر

خامشی کو ذرا تکمیلِ سخن کرنے دے

یہ فضا رہنے دے کچھ دیر، ابھی بات نہ کر

کیا عجب احتساب اپناتھا

جان اپنی تھی عزاب اپنا تھا

کچھ ملے لوگ بھی زمانے ساز

کچھ مقدر خراب اپنا تھا

یہ کہ مخلص تھے ہم محبت میں

جرم بس یہ جناب اپنا تھا

اب کیا کرنا اُس شخص سے گلہ کر کے

وہ بھی تو انتخاب اپنا تھا

سادہ سے اِک چہرے پر کیا جادوگر سی آنکھیں ہیں

جو دیکھے اِن کا ہو جائے

جو اُترے وہ تھاہ نہ پائے

کتنے سپنے جاگ رہے ہیں

اِن پلکوں کے سائے سائے

شمع شجر سی، چارہ گرسی، نامہ بر سی آنکھیں ہیں

انجانی پہچانی بھی

اپنی اور بیگانی بھی

ایک ہی منظر کا حصہ ہیں

عکس بھی اور حیرانی بھی

ساحل جیسی لگتی ہیں وہ اور بھنور سی آنکھیں ہیں

سادہ سے اِک چہرے پر کیا جادوگر سی آنکھیں ہیں

امجد اسلام امجد