دیوار پہ لرزہ ہے تو ڈر کانپ رہا ہے

بچھڑے ہو تو اجڑا ہوا گھر کانپ رہا ہے

تم آنکھ کی پتلی میں چھپے سچ کو بھی دیکھو

مجرم تو نہین ہے وہ اگر کانپ رہا ہے

ویران ہے اس درجہ ترے بعد مرا دل

اس شہر میں آتے ہوئے ڈر کانپ رہا ہے

اک میں کہ جدائی نے مجھے کردیا ساکت

اک تو ہے کہ صدمے سے ادھر کانپ رہا ہے

آنگن کو پلٹ جاؤں نہ میں چھوڑ کے اس کو

صحرا میں مرا خواب سفر کانپ رہا ہے

یا تو مری بینائی پہ ہے خوف مسلط

یا نہر کے پانی میں شجر کانپ رہا ہے

بجھنے نہیں دوں گا میں کبھی ہجر کے صدمے

دل میں تری یادوں کا شرر کانپ رہا ہے

مرے دن رات پر چھایا ہے عکسِ دلنشیں کوئی

محبت اب مری آنکھوں کی بینائی میں رہتی ہے

سنا ہے اس کی سوچوں میں بھی اب ہلچل مچاتی ہے

وہ بے چینی جو میرے دل کی گہرائی میں رہتی ہے

اک شخص کی چاہت کا ارمان رہا اکثر

جو جان کر بھی سب کچھ انجان رہا اکثر

یہ پیار محبت کا ہے کھیل ، دوست کیسا

کی جس نے وفا اس کو نقصان رہا اکثر

آتا ہے وہ نیندوں میں، رہتا ہے وہ خوابوں میں

اک یہ ہی تو اس کا مجھ پہ احسان رہا اکثر

شکوہ کریں تو کس سے شکایت کریں تو کیا

اک رائیگاں عمل کی ریاضت کریں تو کیا

جس شے نے ختم ہونا ہے آخر کو ایک دن

اس شے کی اتنے دکھ سے حفاظت کریں تو کیا

حرف دروغ ، غالب شہر خدا ہوا

شہروں میں ذکر حرف صداقت کریں تو کیا

معنی نہیں منیر کسی کام میں یہاں

اطاعت کریں تو کیا بغاوت کریں تو کیا

نجان لگ رہا ہے مرے غم سے گھر تمام

حالاں کہ میرے اپنے ہیں دیوار و در تمام

صیاد سے قفس میں بھی کوئی گلہ نہیں

میں نے خود اپنے ہاتھ سے کاٹے ہیں پر تمام

کب سے بلا رہا ہوں مدد کے لیے انہیں

کس سوچ میں پڑے ہیں مرے چارہ گر تمام

جتنے بھی معتبر تھے وہ نامعتبر ہوئے

رہزن بنے ہوئے ہیں یہاں راہبر تمام

دل سے نہ جائے وہم تو کچھ فائدہ نہیں

ہوتے نہیں ہیں شکوے گلے عمر بھر تمام

دونوں جہاں تيري محبت ميں ہار کے

وہ جا رہا ہے کوئي شب غم گزار کر

ويراں ہے ميکدہ، گم و ساغر اداس ہيں

تم کيا گئے کہ روٹھ گئے دن بہار کے

اک فرصت گناہ ملئ، وہ بھي چار دن

ديکھے ہيں ہم نے حوصلے پروردگار کے

دنيا نے تيري ياد سے بيگانہ کرديا

تجھ سے بھي دلفريب ہيں غم روزگار کے

بھولے سے مسکرا تو ديے تھے وہ آج فيض

مت پوچھ ولولے دل کا ناکردہ کار کے

ہمیں تم سے محبت ہےہمارا امتحان لے لو

اگر چاہو تو دل لے لو اگر چاہو تو جان لے لو

ہمیں تم بھول مت جانا یہ ایک فریاد کرتے ہیں

وفا کی شرط سے بھی ہم تمھیں آزاد کرتے ہیں

زباں بھی ہم نہ کھولیں گے تم ہم سے زباں لے لو

اگر چاہو تو دل لے لو اگر چاہو تو جاں لے لو

زمانہ کچھ نہیں بس اک رنگین دھوکہ ہے

اپنے پیار پہ لیکن ہمیں پورا بھروسہ ہے

خزاں کےغم ہمیں دے دو،بہاروں کا ساماں لے لو

اگر چاہو تو دل لے لو اگر چاہو تو جاں لے لو۔

خدا سے رشتے رہے کہاں اُن کے

غم تو جانے تھے رائیگاں ان کے

مست ان کو گمان میں رہنے دو

خانہ برباد ہیں گمان ان کے

یار سکھ نیند ہو نصیب اُن کو

دکھ یہ ہے دکھ ہیں بے امان ان کے

کتنی سر سبز تھی زمیں ان کی

کتنے نیلے تھے آسمان ان کے

نوحہ خوانی ہے کیا ضرور ان کو

ان کے نغمے ہیں نوحہ خواں ان کے

***********************

میں تو مقتل میں بھی قسمت کا سکندر نکلا

قرعئہ فال میرے نام کا اکثر نکلا

تھا جنہیں زعم وہ دریا بھی مجھی میں ڈوبے

میں کہ صحرا نظر آتا تھا سمندر نکلا

میں نے اس جان بہاراں کو بہت یاد کیا

جب کوئی پھول میری شاخِ ہنر پر نکلا

شہر والوں کی محبت کا میں قائل ہوں مگر

میں نے جس ہاتھ کو چوما وہی خنجر نکلا

تو یہیں ہار گیا ہے میرے بزدل دشمن

مجھ سے تنہا کے مقابل تیرا لشکر نکلا

میں کہ صحرائے محبت کا مسافر تھا فراز

ایک جھونکا تھا کہ خوشبو کے سفر پر نکلا

چلے آوٴ کہ تم بن دل کا مندر سُونا ہے

چلے آوٴ کہ یادوں نے تیری، تجھ کو پکارا ہے

چلے آوٴ کہ یہ فرقت ہماری جان لیتی

چلے آوٴ کہ تم بِن چاند نہ نکلے

چلے آوٴ کہ تم بِن شمس کی کرنیں بھی گھم صُم ہیں

چلے آوٴ کہ تنہائی ہمیں سونے نہیں دیتی

چلے آوٴ کہ میرے خواب سارے

سب کے سب سپنے

ادھورے ہی نہ رہ جائے

چلے آوٴ کہ وہ مسکان وہ باتیں

تمہاری یاد کے آنسو بہاتے ہیں

چلے آوٴ کہ تم بن۔۔۔۔

ہم ادھورے ہیں