Leaderboard

داد دینی پڑے گی کہ انتقام بہت ہی ذہانت والا اور اعلیٰ معیار کا تھا

دیا ہے زہر مرے چارہ گر نے تنگ آکر دوا تو خوب ملی ہے جو آئے راس مجھے (داغ دہلوی)

دُشواریوں نے راہ کو آساں‌ بنا دیا ہر مرحَلے کو منزلِ جاناں بنا دیا کتنی تھی تابِ حُسْن کہ، اُس کی نگاہ نے ہر آرزو کو شعلہ بداماں بنا دیا چارہ گروں کی شعبدہ بازی پہ دل نِثار درماں کو درد، درد کو درماں بنا دیا محدودِ آرزوئے مُسرّت تھا دل مِرا وُسعَت نے غم کی، اِس کو بیاباں بنا دیا اک ذرۂ حقِیر کی قُوَّت تو دیکھئے تسخِیر کائِنات کو آساں بنا دیا رُخ پر تِرے ٹھہر کے مِری چشمِ شوق نے آرائشِ جمال کو آساں بنا دیا اک جُنْبِشِ نِگاہ بڑا کام کر گئی تارِ نظر کو جُزوِ رگِ جاں بنا دیا آیا ہے وہ بھی وقت، کہ اکثر بہار نے ہرچاکِ گُل کو میرا گریباں بنا دیا اخگر نِقاب اُلٹ کے، کِسی خوش جمال نے کارِ دِل و نِگاہ کو آساں بنا دیا (حنیف اخگر)

میرے چارہ گر تیری چپ کھلے کہ ہوا کو اذن سفر ملے میرے زخم کھل کے گلاب ہوں یہ جو سانس سانس ہیں وحشتیں یہ سراب خواب ہیں منزلیں یہ دیے کی لو سی جو آس ہے تیرا حکم ہو تو یہ جل بجھے مجھے عشق کا یہ صلہ ملے تیرے ہاتھ روح کی گرہ کھلے یہ بدن کی قید سے ہورہا تیرا یہ کرم مجھے کیمیاء نہ سوال ہوں نہ جواب ہوں کسی طور ختم عذاب ہوں