Leaderboard

ملیں پھر آکے اسی موڑ پر دعا کرنا کڑا ہے اب کے ہمارا سفر دعا کرنا دیارِ خواب کی گلیوں کا جو بھی نقشہ ہو مکینِ شہر نہ بدلیں نظر دعا کرنا چراغ جاں پہ اس آندھی میں خیریت گزرے کوئی امید نہیں ہے مگر دعا کرنا تمہارے بعد مرے زخمِ نارسائی کو نہ ہو نصیب کوئی چارہ گر دعا کرنا مسافتوں میں نہ آزار جی کو لگ جائے مزاج داں نہ ملیں ہم سفر دعا کرنا دکھوں کی دھوپ میں دامن کشا ملیں سائے ہر ے رہیں یہ طب کے شجر دعا کرنا نشاطِ قرب میں آئی ہے ایسی نیند مجھے کھلے نہ آنکھ میری عمر بھی دعا کرنا اعتبار ساجد

مرے آشنا بھی عجیب تھے نہ رفیق تھے نہ رقیب تھے مجھے جاں سے درد عزیز تھا انہیں فکرِ چارہ گری رہی

میرے چارہ گر، میرے مہرباں میری زندگی کی کتاب میں میرے روز و شب کے حساب میں تیرا نام جتنے صفحوں پہ ہے تیری یاد جتنی شبوں میں ہے وہی چند صفحے ہیں متاعِ جان اُنہی رتجگوں کا شمار ہے

کوئی بھی ہمسفر نہیں کوئی بھی چارہ گر نہیں اگر ہے میرا غم تجھے بتا کیوں آنکھ تر نہیں؟ نہ دیکھ پائے جو تجھے وہ آنکھ کیا نظر نہیں؟ عمیق جس کی جڑ نہ ہو وہ پیار کا شجر نہیں وبال پھر ہے زندگی اگر کوئی ہنر نہیں سمجھ نہ شاعری اسے سخن میں جب اثر نہیں نہ بیٹھ ناقد حزیں ترا کوئی نگر نہیں

عجیب رسم ہے چارہ گروں کی بستی ہیں لگا کے زخم نمک سے مساج کرتے ہیں غریب شہر ترستا ہے اک نوالے کو امیر شہر کے کتے بھی راج کرتے ہیں