Leaderboard

ایسے جینے سے تو بہتر تھا کہ مر ہی جاتے چارہ گر مفت میں ہم نے ترا احسان لیا

ہر چاره گر کو چاره گری سے گریز تھا ورنہ ہمارے درد بہت لادوا نہ تھے

کیسے کاریگر ہیں یہ آس کے درختوں سے لفظ کاٹتے ہیں اورسیڑھیاں بناتے ہیں کیسے با ہنر ہیں یہ غم کے بیج بوتے ہیں اور دلوں میں خوشیوں کی کھیتیاں اُگاتے ہیں کیسے چارہ گر ہیں یہ وقت کے سمندر میں کشتیاں بناتے ہیں آپ ڈوب جاتے ہیں (امجد اسلام امجد)

کبھی یوں بھی ہو میرے چارہ گر میرا دل بنے تری راہ گزر ملے لذت غم عشق یوں میری آہ جائے نہ بے اثر کبھی یوں بھی ہو میرے چارہ گر میں تیری نگاہ میں معتبر اٹھے ہر قدم تیری چاہ میں کٹے اس طرح سے میرا سفر کبھی یوں بھی ہو میرے چارہ گر ملے اس طرح سے تیری خبر میں خود اپنے آپ سے لاپتہ تیری ذات پہ ہو میری نظر کبھی یوں بھی ہو میرے چارہ گر ہو نہ رائگاں یہ تیرا ہنر نہ بکھر سکوں کسی ٹھیس سے مجھے تھام لے میرے کوزہ گر کبھی یوں بھی ہو میرے چارہ گر ہو میرا جنون بھی بے خطر حائل ہو سکیں نہ میری راہ میں یہ شجر، حجر، نہ ہی بحر و بر