Leaderboard
There are no members to show
Popular Content
Showing most liked content on 21/10/14 in all areas
-
یکم نومبر سے پٹرولیم مصنوعات کی قیمتوں میں پانچ روپے فی لیٹر تک کمی کا امکان اسلام آباد (اُردو فن کلب تازہ ترین۔21 اکتوبر۔2014ء)عالمی مارکیٹ میں پٹرولیم مصنوعات کی قیمتیں کم ہونے کے بعد پاکستان میں یکم نومبر سے پٹرولیم مصنوعات کی قیمتوں میں 5روپے فی لیٹر تک کمی کا امکان ہے۔عالمی مارکیٹ میں پٹرولیم مصنوعات کی قیمت میں 9ڈالر فی بیرل تک کمی ہو گئی ہے جس کے بعد پاکستان میں پٹرول کی قیمت میں 3 روپے 95 پیسے فی لیٹر کمی کا امکان ہے جبکہ ڈیزل کی قیمت میں 2 روپے 77 پیسے ، ایچ او بی سی 5 روپے فی لیٹر تک سستا ہونے کا امکان ہے۔ مٹی کے تیل کی قیمت میں 3 روپے 60 پیسے جبکہ لائٹ ڈیزل آئل کی قیمت میں 3 روپے فی لیٹر کمی متوقع ہے۔ اوگرا پٹرولیم مصنوعات کی قیمتوں سے متعلق حتمی سمری29 اکتوبر کو حکومت کو ارسال کرے گا۔ نئی قیمتوں کا اطلاق یکم نومبر سے ہوگا۔1 like
-
خواتین اسٹاف پر مشتمل پہلا ملکی پٹرول پمپ جیسا کہا جاتا ہے کہ یہ مردوں کی دنیا ہے اور پاکستان میں یہ کسی اور ملک کے مقابلے میں زیادہ سچا بیان لگتا ہے، جہاں ہم اس بات پر تو فخر کرتے ہیں کہ مسلم دنیا کی پہلی خاتون وزیراعظم ہمارے ملک سے تھی اور متعدد خواتین متعدد شعبوں میں اپنا لوہا منوانے میں کامیاب رہیں مگر کئی بار پرتشدد مخالفت بھی یہاں نظر آتی ہیں اور مجموعی طور پر حقوق نسواں کی صورتحال کچھ زیادہ اچھی نظر نہیں آتی۔اس سب کو ذہن میں رکھے تو لاہور کے ایک پٹرول پمپ اس حوالے سے انتہائی دلچسپ مثال قائم کرتا نظر آتا ہے جہاں ایندھن کو گاڑیوں میں بھرنے کا کام جو روایتی طور پر مردوں کے لیے مخصوص سمجھا جاتا ہے، مکمل طور پر خواتین کرتی ہیں۔ ایم ایم عالم روڈ کے زوم پٹرول اسٹیشن میں یہ بظاہر بے باک مگر دلیرانہ اقدام کیا گیا جہاں خواتین کو اس شعبے میں ملازمتیں دی گئی ہیں جس پر مردوں کی بالادستی سمجھی جاتی ہے، پتلون قمیضوں میں اسمارٹ نظر آنے والی یہ نوجوان لڑکیاں گاڑیوں اور موٹرسائیکلوں کے ٹینکس کو ہوا کے جھونکے کی طرح آسانی اور پیشہ وارانہ مہارت سے بھرتی ہیں جس کو دیکھ کر حیرت ہوتی ہے کہ آخر خواتین کو اس شعبے میں لانے کا فیصلہ اتنی تاخیر سے کیوں ہوا۔ ہم نے حال ہی میں اس پٹرول پمپ میں اس کی منی مارٹ سے ایک پانی کی بوتل خریدی جس کے دوران ہم نے کچھ لڑکیوں کو یونیفارم میں گاڑیوں میں پٹرول بھرتے دیکھا، جس نے ہمیں حیرت زدہ کردیا اور ہم نے اپنی گاڑی میں بیٹھ کر کچھ اس کا جائزہ لینے کا فیصلہ کیا۔کچھ صارفین کو دیکھ کر تو لگتا تھا کہ انہیں اس کی کوئی پروا نہیں مگر دیگر کے لیے یہ حیرت انگیز اور کچھ تکلیف دہ سا تھا۔ پٹرول اسٹیشن کے منیجر کے مطابق" جب سے ہم اس اعلیٰ طبقے کے علاقے میں منتقل ہوئے ہیں اور مستقل صارفین کی بیس بنانے میں کامیاب ہوچکے ہیں، انتظامیہ کو خواتین ملازمین کو بھرتی کرنے میں کوئی مسئلہ نہیں"۔ ہم نے وہاں کام کرنے والی ایک لڑکی عائشہ سے پوچھا کہ وہ ایک پٹرول اسٹیشن پر کام کرکے کیسا محسوس کرتی ہے، جس پر اس نے بتایا"مزید خواتین کو پٹرول اسٹیشنز پر ملازمتیں دی جانی چاہئے، کیونکہ مردوں سے کسی بھی طرح کم نہیں، جب کار ڈرائیورز یہاں آتے ہیں تو ہم صارفین کا خیرمقدم کرتے ہوئے ان سے پوچھتے ہیں کہ ہائی اوکٹین یا پریمئیم میں سے کونسا ایندھن بھروانا پسند کریں گے اور بس، ہم اس سے زیادہ بات چیت نہیں کرتے"۔ خواتین اس پٹرول اسٹیشن میں دو شفٹوں میں کام کرتی ہیں، پہلی شفٹ صبح آٹھ سے شام پانچ بجے تک جبکہ دوسری صبح دس سے شام سات بجے تک ہوتی ہے، انہیں مرد عملے کے مقابلے میں زیادہ معاوضہ دیا جاتا ہے اور انہیں روزانہ اجرت، کنٹریکٹ یا مستقل ملازم کے طور پر بھرتی کیا جاتا ہے، اسی طرح یونیفارم اور دوپہر کا کھانا بھی کمپنی کی جانب سے جہیا کیا جاتا ہے۔ عائشہ نے بتایا کہ کسی بھی مشکل میں مرد عملہ کافی مددگار ثابت ہوتا ہے اور ہم سب ایک ٹیم کی طرح مل کر کام کرتے ہیں۔ (بشکریہ ڈان نیوز)1 like
-
1،2،5،10،25 اور50 پیسے کے سکے مکمل طور پر بند کردیئے گئے ،ترجمان سٹیٹ بینک کراچی( اُردو فن کلب تازہ ترین21 اکتوبر۔2014ء)اسٹیٹ بینک آف پاکستان کی جانب سے تمام چھوٹی رقوم 1،2،5،10،25 اور50 پیسے کے اعشاری سکے یکم اکتوبر2014 سے مستقل بنیادوں پر بند کئے جانے کے باوجود شہر بھر میں تندور،سی این جی اسٹیشنز اور چھوٹے علاقوں کی دکانوں میں مذکورہ سکوں کا لین دین جاری ہے تاہم اسٹیٹ بینک کے ترجمان کا کہنا ہے کہ چونکہ مرکزی بینک نے 1،2،5،10،25 اور50 پیسے کے سکے مکمل طور پر بند کردیئے ہیں اور اس سلسلے میں عوام کو کئی ماہ تک اخبارات میں جاری کی گئی خبروں کے ذریعہ آگاہی بھی فراہم کی گئی تھی اور یاد دہانی کرائی گئی تھی کہ یکم اکتوبر سے سکے ختم ہوجائیں گے اس لئے جو افراد بھی ان سکوں کا لین دین کررہے ہیں وہ غیرقانونی ہے کیونکہ سکوں کی تبدیلی کی معیاد گزرنے کے بعد اب اسٹیٹ بینک یہ سکے واپس نہیں لے گا۔ دوسری جانب اسٹیٹ بینک کی آگاہی مہم موثر نہ ہونے کی وجہ سے عام افرادکو اس بات کا علم نہیں ہوسکا ہے جس کی وجہ سے نہ صرف کراچی بلکہ ملک کے دوردراز علاقوں میں عام افراد کو اس بات کا علم نہیں ہے کہ اسٹیٹ بینک نے 1،2،5،10،25 اور50 پیسے کے سکے ختم کردیئے ہیں۔1 like
