August 8, 201114 yr Dard ki lay madham tu ho Dhund kahiin per kam tu ho But saazi hum jaan gaye hain Laiken mitti nam tu ho Umar ka saath kahaan maanga hai Phir bhi chaar qadam tu ho Shaam ka raqs bhi ho jaaye ga Dhoop ki shiddat kam tu ho Mehfil-e-shab bhi saj jaaye gi Koi shareek-e- ghum tu ho Jaan pe she jaatay the laiken Koi aik sitam tu ho *************************** Bas ik shab kay liy wasal-e-yaar main rehna Phir uskay baad reh-e-intizaar main rehna Kabhi sukon kabhi khalafshaar main rehna Humein azeez teray ikhtiyaar main rehna Woh bay iraada teri khushbouon ko choo lena Phir ik ajeeb se kaif-o-khumaar main rehna Woh ik pal kay liye arzoo mohabbat ki Phir ik umar safar kay ghubaar main rehna Meri dua ko kahiin raasta nahiin milta Jahaan bhi rehna isi intishaar main rehna
August 8, 201114 yr Hawa kay hathon ki meherbaani se dar gaaye hain Yeh phool khushboo ki raye gain se dar gaaye hain Humein bhi rukhsat ki rasam kuch tu nibahna thi Tumhaari aankhon mein aaye paani se dar gaaye hain Yeh teer jitney fizaa main aakar thair gaaye hain Kisi parinday ki bay zubaani se dar gaaye hain Inhein bhi dariya main apni kashti utarna thi Jo log lehron ki sar giraani se dar gaaye hain Yeh hum jo sheher-ewafa main gumsum kharay hue hain Phir ik taaza ghalat bayani se dar gaaye hain Abhi tu dil ko udaas karti nahiin hain shaamein Abhi se kyun ghum ki hukumraani se dar gaaye hain Humein bhi saahil pe geet likhna the seepiyon se Magar hawaon ki meherbaaniyon se dar gaaye hain
August 8, 201114 yr woh baat baat mein itna badalta jaata hai keh jis tarhaan koi wadda badalta jaata hai Yeh arzoo thi keh hum us kay sath sath challain magar woh shakhas tu rasta badalta jata hai jo taiz dhoop mein sar par raha wohi anchal hawa chali hai tu kitna badalta jata hai ruttein visaal ki aab khawb honay wali hein keh us ki baat ka lehja badalta jaata hai woh baat kar jisay duniya bhi moatbar samjhay tujhay khabar zamana badalta jaata hai yeh arzoo thi keh hum uss kay sath sath chalain magar woh shakhas tu raasta badalta jata hai ***************************************** mohabbatain jab shumaar karna to saazishain bhi shumar karna jo mairay hissay main aai hain wo aziyyatain bhi shumaar karna jalaey rakhon gi subha tak main tumharay raston main apni aankhain magar kahin zabt tout jaey to baarishain bhi shumaar karna jo harf koh-e-wafa pay likhhay huey hain unn ko bhi daikh laina jo raaigaan ho gain wo saari ebaratain bhi shumaar karna yeh sardion ka udaas mousam kay dharkanain barf ho gai hain jab inn ki yakh bas’tagi parakhna tamazatain bhi shumar karna tum apni majboriyoun kay qissay zaror likhna wazahaton say jo mairee aankhon main jall bujhi hain wo khwahishain bhi shumaar karna
August 8, 201114 yr Buhat khoob Jiger Khuda ki Rehmat ka ziker chaira ha aj to tum ne Or ek baat bataon Jiger Beti buhat peyara rishta ha khaas tor pe Baap k lie Baap ko jitna peyaar Beti deti ha Baita kabhi nahi de sakta
August 8, 201114 yr Ye jo shafaf sa ik aks us jheel mein tha Koi chehra tha magar chand ki tamseel mein tha Yaad karta hon kahan bhool k aya hon use Aisa hi aks meri soch ki zambeel mein tha Baat kya thi ye mujhe achi tarha yaad nahi Haan tera zikr b tha or bari tafseel mein tha Koi pegham tha ankhon mein so ankhon mein raha Masla asal to pegham ki tarseel mein tha Is naye nuskhe mein tehreef hui warna Zikr mera b kahin pyar ki injeel men tha
August 8, 201114 yr hisaar-e-maqtal-e-jaa.N me.n lahuu lahuu mai.n thaa rasan rasan merii vahashat guluu guluu mai.n thaa jo rah gayaa nigah-e-sozan-e-mashiyat se qabaa-e-ziist kaa vo chaak-e-berafuu mai.n thaa zamaanaa ha.Nsataa rahaa merii Khud-kalaamii par tere Khayaal me.n masaruuf-e-guftaguu mai.n thaa tuu apanii zaat ke har pech-o-Kham se puuchh ke dekh dar-ba-dar merii dastak thii kuu-ba-kuu mai.n thaa mere raqiibo.n me.n kab thii ye hausalaama.ndii navard-e-ishq me.n Khud apane ruu-ba-ruu mai.n thaa ma’aal-e-umr-e-muhabbat hai bas yahii "Tashna" merii talaash thaa vo usakii justajuu mai.n thaa
August 8, 201114 yr baat karanii mujhe mushkil kabhii aisii to na thii jaisii ab hai terii mahafil kabhii aisii to na thii le gayaa chhiin ke kaun aaj teraa sabr-o-qarar beqaraarii tujhe ai dil kabhii aisii to na thii chashm-e-qaatil merii dushman thii hameshaa lekin jaise ab ho ga_ii qaatil kabhii aisii to na thii un kii aa.Nkho.n ne Khudaa jaane kiyaa kyaa jaaduu ke tabiiyat merii maa_il kabhii aisii to na thii aks-e-ruKh-e-yaar ne kis se hai tujhe chamakaayaa taab tujh me.n maah-e-kaamil kabhii aisii to na thii kyaa sabab tuu jo biga.Dataa hai "Zafar" se har baar Khuu terii huur-e-shamaa_il kabhii aisii to na thii ************************************** vo ke har ahad-e-muhabbat se mukarataa jaaye dil vo zaalim ke usii shaKhs pe marataa jaaye mere pahaluu me.n vo aayaa bhii to Khushbuu kii tarah mai.n use jitanaa sameTuu.N vo bikharataa jaaye kyo.n na hum usako dil-o-jaa.N se chaahe.n "Tashna" vo jo ek dushman-e-jaa.N pyaar bhii karataa jaaye
August 9, 201114 yr Guruub-e-shaam hii se Khud ko yuu mahasuus karataa huu ki jaise ik diyaa huu.N aur havaa kii zad pe rakhaa huu. chamakatii dhuup tum apane hii daaman me.n na bhar lenaa mai.n saarii raat pe.Do.n kii tarah baarish me.n bhiigaa huu. ko_ii TuuTaa huaa rishtaa na daaman se ulajh jaaye tumhaare saath pahalii baar baazaaro.n me.n nikalaa huu. ye kis aavaaz kaa bosaa mere ho.nTho.n pe kaa.Npaa hai mai.n pichhalii shab sadaao.n kii halaavat bhuul baiThaa huu. bichha.D ke tum se mai.n ne bhii ko_ii saathii nahii.n Dhuu.NDhaa hujuum-e-rah_guzar me.n duur tak dekho akelaa huu.
Create an account or sign in to comment