عجب اپنا حال ہوتا جو وصال یار ہوتا

کبھی جاں صدقے ہوتی ، کبھی دل نثار ہوتا

جو تمہاری طرح تم سے کوئی جھوٹے وعدے کرتا

تم ہی منصفی سے کہہ دو،تمہیں اعتبار ہوتا؟

یہ مزا تھا دل لگی کا کہ برابر آگ لگتی

نہ تجھے قرار ہوتا نہ مجھے قرار ہوتا

نہ مزہ ہے دشمنی میں نہ لطف ہے دوستی میں

کوئی غیر غیر ہوتا، کوئی یار یار ہوتا

ترے وعدے پہ ستم گر ابھی اور صبر کرتے

اگر اپنی زندگی کا ہمیں اعتبار ہوتا

تمہیں ناز ہو نہ کیوں کر کہ لیا ہے داغ کا دل

یہ رقم نہ ہا تھ لگتی ، نہ یہ اختیار ہوتا

جُدائی کے بندی خانے میں

بس اب تو جینے کا ایک ہی سلسلہ ہے جاناں

تمہاری سوچوں میں ڈوبے رہنا

تمہارے خوابوں میں کھوئے رہنا

کسی طرح تم کو دیکھنے کی سبیل کرنا

تمہارے کوچے تک آنے کا کچھ بہانہ کرنا

ہر آتے جاتے سے خیریت کی نوید لینا

ہواؤں اورچاند اور پرندوں پہ رشک کرنا

میرا جو احوال پُوچھنا ہے تویہ ہے جاناں

کہ جانے کب سے

جُدائی کے بندی خانے میں بند

برف کی سِل پہ تنہا بیٹھی

حرارتِ زندگی سے کچھ ربط ڈھونڈتی ہوں

بدن کو اپنے

تمہارے ہاتھوں سے چُھو رہی ہوں

اگروہ محبت کا اقرار کرتی

اسے اِس ادا پر میں بانہوں میں بھر کر

بہت پیار کرتا

اسے دل سنگھاسن پہ اپنے بٹھاتا

دمکتے یہ اشک اپنی پلکوں سے چُن کر میں

مالا پروتا

اسے نذر کرتا

لباس اپنے خوش رنگ ارمانوں کے

سب کے سب اس کو دیتا

مہکتے ہوئے پھول جذبوں سے اپنے

ہزاروں طرح کے میں گہنے بناتا

دلہن کی طرح پھر میں اس کو سجاتا

چبھوتا کوئی تیز تر درد ، دل میں

لہو سے پھر اپنے میں

مانگ اس کی بھرتا

دل و جان اس پر نچھاور میں کرتا

ثنا اس کی کرتا میں شعروں میں اپنے

مٹا دیتا خود کو ، امر اس کو کرتا

اگر وہ محبت کا اقرار کرتی

تو پھر کیا سوچا تم نے؟

یوں ہی خود کو روکے

وقت کی سرحد پہ کھڑے رہنا ہے؟

تم نے سچ کہا

وقت کے صحرا میں

شام پڑ جائے تو

سحر یوں روٹھ جاتی ہے

جس طرح اپنے مصاحبوں کی ذرا سی لغزش پر

کبھی شہنشاہ روٹھ جاتے تھے

تم نے سچ کہا

وقت کی مسافت ختم نہیں ہوتی

یہ وہ صحرا ہے جس کی گرد

اپنے دامن سے جھاڑتے عمر کم پڑنے لگتی ہے

دامن سے لپٹے ہوئے سب خواب

ریت بننے لگتے ہیں

پائے امکاں جلنے لگتے ہیں

مگر ایسے میں

اے میرے ہم نفس

قدم روک لینے سے فائدہ کیا ہے

دوسرا اور کوئی راستہ کیا ہے

زندہ رہنے کا خراج ہر کسی کو بھرنا ہے

یہ فاصلہ

اپنے اندر تو بہرحال طے کرنا ہے

تو پھر اے ہمسفر

ہوا کے دوش پہ رقّم

نئی پرواز کرتے ہیں

وقت کے صحرا میں سفر آغاز کرتے ہیں

فرض کرو ہم اہلِ وفا ہوں ، فرض کرو دیوانے ہوں

فرض کرو یہ دونوں باتیں جُهوٹی ہوں افسانے ہوں

فرض کرو یہ جی کی بِپتا ، جی سے جوڑ سنائی ہو

فرض کرو ابهی اور ہو اتنی، آدهی ہم نے چهپائی ہو

فرض کرو تمہیں خوش کرنے کے ڈهونڈے ہم نے بہانے ہوں

فرض کرو یہ نین تمہارے سچ مچ کے مئے خانے ہوں

فرض کرو یہ روگ ہو جُهوٹا، جُهوٹی پِیت ہماری ہو

فرض کرو اس پِیت کے روگ میں سانس بهی ہم پر بهاری ہو

فرض کرو یہ جوگ بجوگ کا ہم نے ڈهونگ رچایا ہو

فرض کرو بس یہی حقیقت باقی سب کچھ مایا ہو

دیکھ میری جاں، کہہ گئے باہو، کون دلوں کی جانے ہُو

بستی بستی صحرا صحرا، لاکهوں کریں دوانے ہو

جوگی بهی جو نگر نگر میں مارے مارے پهرتے ہیں

کاسہ لئے بهبوت رمائے سب کے دوارے پهرتے ہیں

شاعر بهی جو میٹهی بانی بول کے من کو ہرتے ہیں

بنجارے جو اونچے داموں جی کے سودے کرتے ہیں

ان میں سچے موتی بهی ہیں، ان میں کنکر پتهر بهی

ان میں اتهلے پانی بهی ہیں، ان میں گہرے ساگر بهی

گوری دیکھ کے آگے بڑهنا، سب کا جهوٹا سچا ، ہو

ڈوبنے والی ڈوب گئی وہ گهڑا تها جس کا کچہ، ہو

بارِ محبت بانٹ لو گے نا؟

سنو جاناں

یوں تم سے دُور

اب مجھ سے

اکیلے رات بھر جاگا نہیں جاتا

یوں تنہا بوجھ چاہت کا

تو اب اُٹھتا نہیں مجھ سے

سنو

کیا ایسا ہو نہیں سکتا؟

کہ

آدھی رات کو کچھ پل سہی

تم اگر جاگو

یہ چاہت کا حسِیں اِک بوجھ

آدھا ہی سہی

تم بانٹ لو مجھ سے

پھر آدھا درد تم لے لو

پھر آدھے خواب تم دیکھو

یہ دِل کی بے قراری

مجھ سے آدھی بانٹ لو تم بھی

تو اب تم ہی کہو جاناں؟

کہ اس بارِ محبت کو

تم آدھا بانٹ لو گے نا؟

آج کی رات

آج کی رات تو سونے کی نہیں ہے جاناں

آج کی رات ہے تجدیدِ ملاقات کی رات

العطش کہتے ہُوئے جسم کی

پیہم آواز

الاماں کہتی ہُوئی روح کی

بے چین صدا

تیز بارش کی دُعاؤں میں تجھے یاد کئے

ایک مُدت سے لیے بوجھ دلِ خستہ پر

تیری خواہش کا، تیرے قرب کی آسائش کا

ساتھ دیکھے ہُوئے خوابوں کا نشہ آنکھوں میں

ساتھ سوچی ہُوئی باتوں کی دھنک نظروں میں

رات کے ہاتھ میں کیا ہاتھ دیا ہے دل نے

پاؤں پڑتے ہی نہیں جیسے زمیں پر اس کے

روشنی کیسی رگ و پے میں اُتر آئی ہے

دُور تک صرف تیری شکل نظر آتی ہے

میرے ہاتھوں میں تیرے چہرے کا بے داغ کنول

تازہ بارش میں توکچھ اور کِھلا جاتا ہے

میری آنکھیں

تیرے ہونٹوں کی نمی سے سرشار

ساری دُنیا سے چھپائے

تیری بانہوں کا حصار

ذہن میں گھومتا ہے پہلے پہل کا ملنا

اورپھر رنگِ ملاقات کا گہرا ہونا

اورپھر ملنے کی خواہش کا سمندر ہونا

دھیرے دھیرے

کسی تصویر کے ٹکڑے ملنا

جس کی ترتیب نے دو روحوں کا سمبندھ کیا

اور یہ سچ ہے

کہ حیرت کدئہ ہستی میں

ایک پہچان کا لمحہ بھی بہت ہوتا ہے

ہم پہ اس لمحے کا کچھ قرض ہے باقی اب تک

تن میں جذب کریں

روح میں روح سموئیں

کہ یہ ساعت ہے تشکر کے لئے

ریگِ صحرا پہ اُتر آئی ہے برسات کی رات

آج کی رات ہے تجدیدِ ملاقات کی رات

وہی حساب ِ تمنا ہے،اب بھی آجاو

وہی ہے سر وہی سودا، اب بھی آجاو

جسے گئے ہوئے خود سے اب ایک زمانہ ہوا

وہ اب بھی تم میں بھٹکتا ہے،اب بھی آجاو

وہ دل سے ہار گیا ہے پر اپنی دانش میں

وہ شخص اب بھی یگانہ ہے، اب بھی آجاو

وہی کشاکش ِ احساس ہے بہ ہر لمحہ

وہی ہے دل، وہی دنیا ہے، اب بھی آجاو

کسی سے کوئی شکوہ نہیں مگر تم سے

ابھی تلک مجھے شکوہ ہے، اب بھی آجاو

یہ میرے دل کی گزارش کہ مجھے مت چھوڑو

یہ میری جاں کا تقاضا ہے، اب بھی آجاو

tum mere paas raho

mere qaatil, mere dildaar, mere paas raho

jis gha.Dii raat chale

aasamaano.n kaa lahuu pii kar siyah raat chale

marham-e-mushk liye nashtar-e-almaas chale

bain karatii hu_ii, ha.Nsatii hu_ii, gaatii nikale

dard kii kaasanii paazeb bajaatii nikale

jis gha.Dii siino.n me.n Duubate huye dil

aastiino.nme.n nihaa.N haatho.n kii rah takane nikale

aas liye

aur bachcho.n ke bilakhane kii tarah qul-qul-e-may

bahr-e-naasudagii machale to manaaye na mane

jab ko_ii baat banaaye na bane

jab na ko_ii baat chale

jis gha.Dii raat chale

jis gha.Dii maatamii, sun-saan, siyah raat chale

paas raho

mere qaatil, mere dildaar, mere paas raho

ستم کرنے سے پہلے وہ کبھی تو مسکراتے ہیں

کبھی حد سے زیادہ چاہتیں ہم سے جتاتے ہیں

کبھی زمیں سے اٹھا کر آسمانوں پر بٹھاتے ہیں

کبھی عرشوں سے فرشوں پہ ہم کو لا بٹھاتے ہیں

کبھی کہتے ہیں کہ تم ہمارے دل میں رہتے ہو

کبھی میری نگاہوں میں وہ مجھ کو گراتے ہیں

مجھے غم کے اندھیروں میں اکثر چھوڑ جاتے ہیں

وہی میرے دل میں امیدوں کی نئی شمع جلاتے ہیں

میرے دل کی حالت سے کبھی انجان رہتے ہیں

کبھی حد سے زیادہ مہرو الفت بھی جتاتے ہیں

یہی ان کی عنایت ہے یہی ان کی محبت ہے

ہم ان کی ہر عنایت کو سر آنکھوں پر بٹھاتے ہیں

ہمیں عظمٰی نہ جانے کیوں انہی پہ اعتبار ہے

ہمیشہ جو ہماری چاہتوں کو آزماتے ہیں