اوچ شریف: سوشل میڈیا پر دوستی کا بھیانک انجام ، لڑکی نے شادی نہ کرنے پر انجینئر قتل کرا کر رقیب سے شادی کرلی

تاریخ : ۱۵ جنوری، ۲۰۱۷

اوچ شریف (آن لائن) سوشل میڈیا پر آشنائی کا بھیانک انجام نکلا، لڑکی نے انجینئر کو قتل کرواکر رقیب سے شادی کرلی۔ تفصیلات کے مطابق سرگودھا کے علاقہ پرانا ساہیوال کی رہائشی ایم فل کی طالبہ ملزمہ وحیدہ اور بھکر کے ذیشان کی سوشل میڈیا پر دوستی ہوئی، ذیشان اوچ شریف میں نجی تعمیراتی کمپنی میں بطور سپروائزر ملازم تھا، دونوں نے ایک دوسرے سے شادی کے وعدے کئے۔ ایک ماہ قبل ذیشان نے شادی سے انکار کیا تو ملزمہ نے اپنے دوسرے دوست وقاص جو اس سے شادی کا خواہشمند تھا کے سامنے شرط رکھی کہ اگروہ ذیشان کو قتل کردے تو وہ اس سے شادی کر لے گی۔ ملزم وقاص ذیشان کو مبینہ طور پرقتل کر کے فرار ہو گیا اور دونوں نے شادی کرلی، تھانہ اوچ شریف پولیس نے کال ڈیٹا کے ذریعے ملزمان کوٹریس کرکے ملزم جوڑے کو گرفتار کر کے آلہ قتل بھی برآمدکرلیا۔

 

دوسرے اخبار سے یہی خبر

ہیڈ پنجند(نامہ نگار)سوشل میڈیا پر لگنے والی دوستی نے تین گھرانے تباہ کردئیے،شادی سے انکار پر ایم۔فل کی طالبہ نے اپنے انجینئیردوست کو دوسرے دوست کے ہاتھوں قتل کرادیا۔،پولیس نے قاتل ملزم اورملزمہ دونوں کوگرفتار کرلیا۔سرگودھاکے علاقہ پرانا ساہیوال کی رہائشی ایم۔فل کی طالبہ وحیدہ ستار اوربھکر کے رہائشی ذیشان کے مابین سوشل میڈیا کے ذریعے لگنے والی دوستی میں دونوں نے (بقیہ نمبر40صفحہ7پر )
ایک دوسرے سے شادی کے وعدے کئیے ۔اس دوران دونوں متعددبارملتے بھی رہے۔ایک ماہ قبل ذیشان نے شادی سے انکارکیا تووحیدہ نے اپنے ایک اوردوست وقاص جواس شادی کا خواہشمند تھا۔اسکے لیے یہ شرط رکھی کہ وہ ذیشان کو قتل کرے گا۔تو ہی وہ اس سے شادی کرے گی بکھرکارہائشی انجینئیر ذیشان اوچشریف میں نجی تعمیراتی کمپنی میں بطور سپروائزر کام کررہا تھا۔چنانچہ وقاص اسلحہ سمیت اوچشریف آیااور ذیشان کو قتل کرڈالااورفرارہوگیا۔بعدازاں دونوں نے شادی کرلی۔تھانہ اوچ شریف پولیس نے کال ڈیٹا کے ذریعے ملزمان کوٹریس کرکے وقاص اور وحیدہ ستار کو گرفتار آلہ قتل بھی برآمد کرلیا ہے۔

Edited May 2, 20179 yr by Young Heart

سوشل میڈیا پر دوستی، شادی کا وعدہ، سندھ یونیورسٹی طالبہ کی خود کشی کا سبب بنا، ملزم گرفتار

حیدرآباد (ویب ڈیسک) سندھ یونیورسٹی ہاسٹل میں طالبہ نائلہ رندکی خود کشی کا واقعہ فیس بک دوستی کا نتیجہ نکلا ،پو لیس نے بلیک میل کرنے والے عادی ملزم کو گرفتارکر کے اس کے موبائل سے مزید30طالبات کی تصاویر و قابل اعتراض وڈیوزبرآمد کر لیں۔ ملزم انیس خاصخیلی نجی کالج کا لیکچرار اور قائد عوام یونیورسٹی نوابشاہ کے رجسٹرار کا بیٹا ہے۔ڈی آئی جی حیدرآبادخادم حسین رند اور ایس ایس پی جام شوروکیپٹن طارق ولایت نے جمعہ کو مشترکہ ہنگامی پریس کانفرنس میں کہا کہ نائلہ خود کشی کیس میں گرفتاری کی رپورٹ اعلیٰ حکام کو ارسال کردی گئی ہے ،ملزم کی گرفتاری کے بعد نائلہ خود کشی کیس کا معمہ حل ہو گیا ہے۔
ڈی آئی جی آفس شہباز بلڈنگ میں پریس کانفرنس سے خطاب کرتے ہو ئے ڈی آئی جی حیدرآباد خادم حسین رند نے کہا کہ یکم جنوری کو سندھ یونیو رسٹی کے ماروی ہاسٹل میں شعبہ سندھی سالِ آخر کی طالبہ نائلہ رند نے خود کشی کی تھی جس کے بعد آئی جی سندھ اے ڈی خواجہ نے واقعہ کا نو ٹس لیتے ہو ئے تحقیقات کی ہدایت کی تھی۔ جس کے بعد پولیس نے دیانت داری سے تفتیش شروع کر کے خود کشی کا پس منظر جاننے کی کوشش کی، ہاسٹل کے کمرے سے ملنے والے نائلہ کے موبائل فون کے فرانزک ٹیسٹ سے معلوم ہوا کہ اسے قائد عوام یونیورسٹی نوابشاہ کے رجسٹرار کا بیٹا ،مہران گرامر کالج جام شورو کا لیکچرار انیس احمد خاصخیلی جو ایم اے انگریزی ہے، شادی کا جھانسہ دیکراسے بلیک میل کررہا تھا۔ پو لیس نے انیس خاص خیلی کا نام سامنے آنے پراس کے موبائل فون کا فرانزک ٹیسٹ کیا توفون ریکارڈ سے نائلہ کی تصویر ، کال ریکارڈ اوردیگر30سے زائد قابلِ اعتراض وڈیوز برآمد ہو ئیں۔ انہوں نے کہا کہ اس کے بعد یہ حقیقت واضح ہو گئی کہ نائلہ رند دراصل انیس احمد خاصخیلی ولد غلام رسول خاصخیلی کی بلیک میلنگ کا شکار ہو ئی ہے۔
انہوں نے کہاکہ اگرچہ نائلہ اور انیس دونوں نے اپنے اپنے موبائل فون کا بیشتر ڈیٹا ڈیلٹ کردیا تھا لیکن ڈی ایس آر کے زریعہ ہم نے یہ ڈیٹا بھی نکلوالیاتھا، جس کے مطابق خود کشی سے21منٹ قبل تقریباً 24منٹ تک نائلہ او ر انیس کی موبائل پر گفتگو ہو ئی تھی۔ انہوں نے کہاکہ موبائل فون کے ریکارڈ کے مطابق نائلہ اور انیس خاص خیلی میں تین ماہ سے تعلقات تھے۔ ان کی دوستی فیس بک کے ذریعہ ہو ئی تھی۔ ڈی آئی جی حیدرآبا د نے کہا کہ پوسٹ مارٹم رپورٹ کے مطابق یہ خود کشی کا واقعہ ہے، جو ایک ردِ عمل میں کی گئی ہے۔ انیس نے نائلہ کو استعمال کیا اور پھر شادی سے انکار کردیا تھا۔ انہوں نے کہاکہ پوسٹ مارٹم رپورٹ میں متوفی طالبہ کے حاملہ ہو نے سے متعلق کچھ نہیں بتایا گیا ہے۔ انہوں نے کہاکہ یہ قتل،قتل شبِعمد،کہلاتا ہے،جس میں انسان ذہنی دباﺅ اورپشیمانی کی وجہ سے ایسا قدم اٹھاتا ہے۔ انیس خاصخیلی نے سائبر کرائم کیا، بلیک میل کر کے خوف و دہشت پھیلائی جس کے نتیجے میں ایک انسانی جان ضائع ہو ئی۔ انہوں نے کہاکہ نائلہ رند کے اہلِ خانہ کی مدعیت میں جام شورو تھانہ میں گرفتا ر ملزم انیس کیخلاف دفعہ نمبر پی پی سی ۳۱۶، ۵۰۹ اور اے ٹی اے ۶/۷ اور سائبر کرائم کی دفعات9،13کے تحت ایف آئی در ج کی جارہی ہے۔ انہوں نے کہا کہ یہ ناقابلِ ضمانت جرم ہے جس پرانیس کو عمر قید کی سزا ہو سکتی ہے۔ ڈی آئی جی حیدرآبا د نے کہا کہ انیس احمد خاصخیلی ایک عادی مجرم ہے ،جس کے موبائل ڈیٹا سے30لڑکیوں کو بلیک میل کر نے اور ان کی قابلِ اعتراض وڈیوز اور تصاویر بھی ملی ہیں۔ انہوں نے کہاکہ جو بھی متاثرہ لڑکیا ں اورخواتین پولیس سے رابطہ کریں گی اور اپنے ساتھ ہو نے والے غلط سلوک کی شکایت کریں گی، انہیں مکمل تحفظ کے ساتھ انصاف دلوایا جائے گا۔انہوں نے کہاکہ ہم نے تفتیشی رپورٹ آئی جی سندھ اے ڈی خواجہ اور متعلقہ حکام کو ارسال کردی ہے۔
انہوں نے کہا کہ یونیورسٹی میں ہم نے تفتیش و تحقیقات کا عمل اس لیے کیا کہ معزز اساتذہ و طالبات کی حرمت کو ملحوظ رکھا جاسکے۔ انہوں نے عوام سے اپیل کی کہ والدین اپنی بچیوں کو یونیورسٹی بھیجیں اور کسی قسم کے خوف کا شکار نہ ہوں۔انہوں نے کہاکہ گذشتہ روز کمشنر حیدرآباد نے یونیورسٹی کا دورہ کرکے ہماری تفتیش پر نہیں یونیورسٹی کی کمیٹی پر عدم اطمینان کا اظہار کیا تھا، تاہم اس دوران یونیورسٹی اور ہاسٹل انتطامیہ کی جو کمزوریاں سامنے آئی ہیں فی الحال اس پر بات نہیں کرنا چاہتا،دوران تفتیش یہ کمزوریاں یونیورسٹی انتظامیہ،اساتذہ اور نائلہ کی ساتھی طالبات سے انکوائری کے دوران سامنے آئیں ہیں، ہاسٹل میں سی سی ٹی وی کیمرے نہیں ہیں۔ ڈی آئی جی حیدرآباد خادم حسین رند نے اس مو قع پر اعلان کیا کہ ڈی آئی جی آفس میں ایک واچ یونٹ قائم کیا جارہا ہے جو کا م کے مقامات (ورک پیلس )پر خواتین کو ہراساں کرنے کے کیسز دیکھے گا۔ واچ یو نٹ میں پولیس کے علاوہ باہر کے لوگوں کو بھی لیا جائے گا۔ اس یونٹ میں یونیورسٹیز، بینک اور محکمہ پولیس سمیت دیگر اداروں میں کام کرنے والی خواتین کے معاملات دیکھے جائیں گے۔
انہوں نے کہا کہ کام کے مقامات( ورک پیلس) پر لڑکیوں کو ہراساں کرنے کا معاملہ محتسب کے دائرہ اختیار میں آتا ہے لیکن ڈی آئی جی آفس میں خصوصی طورپر اس یونٹ کا قیام عمل میں لایا جارہا ہے، تاکہ مظلوم لڑکیوں اور خواتین کو فوری امد اد اور قانونی تحفظ فراہم کیا جا سکے۔اس موقع پر ایس ایس پی جام شورو طارق ولایت نے کہا کہ ہمیں ہاسٹل سے نیند کی گولیوں کے خالی پتے بھی ملے ہیں،ثبوت بہت ہیں،یہ شواہد ہم عدالت میں پیش کریں گے۔

سوشل میڈیا فراڈ اور بلیک میلنگ کا دھندہ بن گیا۔جانیے ایک اور تباہ ہوتی زندگی کی حقیقت

2017 ,مارچ 28

نیویارک (مانیٹرنگ ڈیسک) سوشل میڈیا کے ذریعے فراڈ اور بلیک میلنگ کا دھندہ اس قدر عام ہوگیا ہے کہ اپنی ذاتی نوعیت کی معلومات کسی سوشل میڈیا ویب سائٹ پر پوسٹ کرنے سے پہلے ہزار بار سوچنا چاہیے۔ امریکی خاتون مکایا کیر کے ساتھ پیش آنے والا افسوسناک واقعہ سوشل میڈیا فراڈ کی تازہ ترین مثال ہے۔ مکایا کا کہنا ہے کہ نیوزی لینڈ سے تعلق رکھنے والی ایک خاتون آن لائن معاشقوں کے لئے ان کی تصاویر استعمال کررہی تھی۔ یہ خاتون مکایا کی تصاویر ان کے فیس بک اور دیگر سوشل میڈیا اکاﺅنٹس سے چوری کرتی تھی اور پھر انہیں اپنی تصاویر کے طور پر پیش کرتی تھی۔ مکایا کے سامنے یہ تشویشناک انکشاف اس وقت آیا جب ایک امریکی باکسر نے ان سے رابطہ کیا کیونکہ وہ انہیں نیوزی لینڈ میں رہنے والی اپنی محبوبہ سمجھ رہا تھا۔ مکایا کو پتہ چلا کہ امریکی باکسر کو دھوکا دینے والی خاتون گزشتہ سات سال سے ان کی تصاویر چوری کررہی تھی اور مسلسل انہیں اپنے گھناﺅنے مقاصد کے لئے استعمال کررہی تھی۔ اس نے تصاویر میں موجود مکایا کی سہیلیوں اور رشتہ داروں کو بھی خودساختہ نام دے رکھے تھے اور انہیں اپنے دوست اور عزیز و اقارب ظاہر کرتی تھی۔مکایا کا کہنا ہے کہ امریکی باکسر ان کے ساتھ رابطہ نہ کرتا تو انہیں کبھی علم نہ ہوتا کہ ان کی تصاویر سوشل میڈیا سے چوری کرکے شرمناک مقاصد کے لئے استعمال کی جارہی ہیں اور یہ سلسلہ سات سالوں سے جاری تھا۔ ان کی تصاویر چوری کرنے والی خاتون کے بارے میں پتہ چلا ہے کہ وہ نیوزی لینڈ کے شہر آکلینڈ کی رہائشی ہیں۔ پولیس اسے گرفتار کرنے کے لئے قانونی کارروائی جاری رکھے ہوئے ہیں۔ لیکن یہ کوئی ایک دو دن کی بات نہیں ہے پچھلے کئی مہینوں سے ایسے ہزاروں واقعاد دیکھنے اور سننے پر ملے ہیں لیکن ان سب کے باوجود پولیس اس پر کنٹرول حاصل کرنے میں ناکام ہے۔

سوشل میڈیا پر غیر اخلاقی ویڈیوز، تصاویر سے بلیک میلنگ

  فروری 28, 2017

لاہور(ویب ڈیسک) فیس بک پر خواتین اور بچوں کی غیر اخلاقی ویڈیوز ،تصاویر اپ لوڈ کر کے انہیں بلیک میل کرنے کے واقعات میں اضافہ ہونے لگا، ایف آئی اے سائبر کرائم سرکل کو 2 ماہ میں 500 سے زائد درخواستیں موصول ہوئی ہیں ،حکام چکراکر رہ گئے۔

روزنامہ دنیا کے مطابق موبائل فون ،لیپ ٹاپ اور خفیہ کیمروں کے ذریعے خواتین کو بہلا پھسلا کر ہوٹلز یا مخصوص جگہوں پر بلا کر ان کی غیر اخلاقی ویڈیوز ،تصاویر بنا کر انہیں بلیک میل کرنے کے واقعات میں خوفناک حد تک اضافہ ہوتا جارہا ہے۔ذہنی طور پر بیمار یہ ملزم خواتین اوربچوں کواپناشکار بنارہے ہیں ،ایف آئی اے ذرائع کا کہناہے کہ نو عمر لڑکیوں کی بڑی تعداد عشق اور محبت کے نام پر اپنی عزتوں سے کھیل رہی ہیں،2ماہ کے دوران بلیک میلنگ کے حوالے سے 500سے زائد درخواستیں موصول ہوئی ہیں جبکہ انکوائریاں مکمل کرکے 17مقدمات درج کئے اور 15ملزموں کو گرفتار کرلیاگیا۔

حکام کا کہناہے کہ عملہ کم ہونے کی وجہ سے بھی ایف آئی اے کو موصو ل ہونے والی درخواستوں پر کارروائی کرنے میں شدید مشکلات کا سامنا ہے۔گزشتہ روز ایف آئی اے سائبر کرائم ونگ نے خاتون کی غیر اخلاقی ویڈیو بناکر اسے بلیک میل کرنے کی دھمکیاں دینے والے ملزم محمد وسیم کو گرفتار کر لیا۔

بدین میں لیڈی ہیلتھ ورکر نے اپنے 2 ساتھیوں کے خلاف اغواء ، ریپ اور بلیک میلنگ کا مقدمہ درج کروادیا

بدین(اردو پوائنٹ اخبارتازہ ترین-انٹرنیشنل پریس ایجنسی۔11جون۔2016ء) صوبہ سندھ کے ضلع بدین میں ایک لیڈی ہیلتھ ورکر نے اپنے 2 ساتھیوں کے خلاف اغواء ، ریپ اور بلیک میلنگ کا مقدمہ درج کروادیا ہے۔بدین ماڈل پولیس اسٹیشن میں درج کرائی گئی ایف آئی آر میں غلام حسین پڑھیار گاو¿ں کی رہائشی لیڈی ہیلتھ ورکر نے دعویٰ کیا کہ ان کے 2 ساتھیوں نے انھیں 10 ماہ قبل اغواءکیا اور ریپ کا نشانہ بنایا۔

خاتون کے مطابق اغواءکاروں نے ریپ کے دوران ان کی ویڈیو بھی بنائی اور اسے انٹرنیٹ پر اس بات کا انتقام لینے کے لیے اَپ لوڈ کردیا، کیونکہ خاتون نے اپنے ا±س ساتھی پولیو رضاکار سے ملنے سے انکار کردیا تھا، جس نے 2 سال قبل ایک پولیو مہم کے دوران انھیں ریپ کا نشانہ بنایا تھا۔مذکورہ خاتون نے دعویٰ کیا کہ 2 سال قبل جس شخص نے انھیں نشہ آور اودیات پلا کر ریپ کا نشانہ بنایا تھا، اس نے بھی ان کی ویڈیو ریکارڈ کی تھی۔ان کا مزید کہنا تھا کہ ملزم نے انھیں دھمکی دی تھی کہ اگر اس کے مطالبات پورے نہ کیے گئے تو وہ ویڈیو انٹرنیٹ پر اَپ لوڈ کردے گا اور جب خاتون نے انکار کیا تو ملزم نے اپنے ایک دوست کے ساتھ انھیں اغواءکرکے ریپ کا نشانہ بنایا اور اس موقع پر بنائی گئی ویڈیو انٹرنیٹ پر اَپ لوڈ کردی۔مذکورہ ہیلتھ ورکر نے دعویٰ کیا کہ ان واقعات کے بعد انھیں ان کے شوہر اور سسرال والوں نے گھر سے باہر نکال دیا تھا۔بدین کے ماڈل پولیس اسٹیشن کے ایس ایچ او محمد ابراہیم جتوئی کے مطابق پولیس نے واقعے کی ایف آئی آر درج کرلی ہے اور تحقیقات جاری ہیں۔جتوئی نے مزید بتایا کہ ملزمان کی گرفتاری کے لیے چھاپے مارے جارہے ہیں جو ایف آئی آر کے اندراج کے بعد اپنے رشتے داروں کے ہمراہ مفرور ہیں۔دونوں ملزمان کے خلاف واقعے کا مقدمہ پاکستان پینل کوڈ (پی پی سی) کی دفعات 376، 337 (جے) اور 354 کے تحت درج کیا گیا۔

اسلام آباد - مانیٹرنگ ڈیسک - سوشل میڈیا کے ذریعے فراڈ اور بلیک میلنگ کوئی نئی بات نہیں ہے لیکن حال ہی میں پاکستانی انٹرنیٹ صارفین کو لوٹنے کے لیے ایک نیا اور انتہائی شرمناک طریقہ واردات سامنے آیا ہے، جس نے قانون نافذ کرنے والے اداروں کو بھی تشویش میں مبتلا کردیا ہے ۔ کیونکہ سوشل میڈیا صارفین بڑی تعداد میں اس کی لپیٹ میں آرہے ہیں

ریڈایڈٹ ویب سائٹ پر اس خطرے کی بارے میں آگاہ کرتے ہوئے ایک صارف نے بتایا کہ انٹرنیٹ صارفین سے سکائیپ کے ذریعے رابطہ کیا جاتا ہے اور عموماََ ایک دلکش آواز والی لڑکی انہیں کال کرتی ہے ۔ کال کرنے والی لڑکی ابتدائی راہ و رسم بڑھاتی ہے اور گفتگو کا سلسلہ آگے بڑھنے پر وہ صارف کا فیس بک آئی ڈی بھی لے لیتی ہے، یہ کہہ کر کہ وہ اسے اپنے فیس بک فرینڈز میں شامل کرنا چاہتی ہے۔ صارف کو ہیجان انگیز باتوں میں لگا کر یہ لڑکی ویب کیم کے ذریعے اسے شرٹ کے بغیردیکھنے پر اصرار کرتی ہے ۔ جب صارف شرٹ اتارنے پر تیار ہوجاتا ہے تو یہ پتلون اتارنے پر بھی اصرار کرنے لگتی ہے اور فرمائش پوری نہ ہونے پر ناراض ہونے اور دوبارہ کبھی بات نہ کرنے کی دھمکی دیتی ہے ۔ اس کی مکاری کے جال میں پھنس کر جونہی کوئی صارف برہنہ ہونے کی غلطی کرتا ہے تو شاطر لڑکی اسے بتاتی ہے کہ اس کی ویڈیو ریکارڈ ہوچکی ہے جو اس کے تمام فیس بک فرینڈز کو بھیجی جائے گی اور اس خوفناک خطرے سے بچنے کے لیے صرف ایک ہی راستہ رہ بتایا جاتا ہے کہ کچھ ہزار روپے بطور بھتہ دیئے جائیں ۔ اس شیطانی چنگل میں پھنسنے والوں کے لیے بلیک میل ہونے اور لٹنے کے سوا کوئی چارہ باقی نہیں رہتا اور اب تک بے شمار ایسے افراد اس بلیک میلنگ کا شکار ہوچکے ہیں

ٹیکنالوجی کے ماہرین کا کہنا ہے کہ اس بلیک میلنگ سے بچنے کا سادہ سا طریقہ یہ ہے کہ کبھی بھی اپنا ویب کیم کسی اجنبی کے لیے مت آن کریں اور اگر بدقسمتی سے آپ اس چکر میں پھنس جائیں تو قانون نافذ کرنے والے اداروں سے ضرور رابطہ کریں

گجرات ویڈیو سکینڈل، ملزم نے دکان میں خفیہ کیمرہ لگا رکھا تھا، خودکشی کرنیوالی طالبہ کی ویڈیو برآمد

گجرات(ویب ڈیسک) گجرات ویڈیو سکینڈل میں اب تک تین بچیوں کے کیس سامنے آچکے ہیں،گرفتار ملزم سہیل نے اپنی دکان کے اندر خفیہ کیمر لگارکھا تھا اور تصویروں کو فوٹوشاپ کے ذریعے ا یڈٹ کرکے لڑکیوں کو بلیک میل کرتا تھا جبکہ بلیک میلنگ پر نویں جماعت کی طالبہ رمشا نے خود کشی کی کوشش کی تھی۔ ایک طالبہ کے گھر والے بدنامی کے خوف سے اپنا گاؤں ہی چھوڑ کر چلے گئے۔ انکوائری افسر اعجاز احمد کے مطابق یہ وقوعہ تین ماہ پہلے کا ہے۔ پولیس ملزم کے قبضے سے ا ب تک صرف رمشا کی ویڈیو ہی برآمد کرسکی جبکہ دیگر ملزمان کی گرفتاری کیلئے چھاپے مارے جارہے ہیں۔
تفصیلات کے مطابق ضلع گجرات کے علاقے کنجاہ میں منظر عام پر آنے والے ایک ویڈیو سکینڈل کی وجہ سے خصوصاً طالبات کے والدین میں تشویش کی لہر دوڑ گئی ہے۔ دوسری طرف تھانہ کنجاہ میں اس کیس کی ایف آئی آر 17/120 زیر دفعہ 293,386,376 ت پ درج کرکے مرکزی ملزم سہیل طارق کو گرفتار کرلیاگ یا، جبکہ اس کا والد عبدالحق اور دوبھائی نعمان طارق اور سمیع طارق کی گرفتاری کیلئے پولیس چھاپے ماررہی ہے۔ نازیبا ویڈیو اور تصاویر بنا کر طالبات کو بلیک میل کرنے کا یہ افسوسناک واقعہ کنجاہ کی جنوب مغربی جانب قریباً12 کلومیٹرکی مسافت پر واقع موضع ’’لنگے‘‘ میں پیش آیا۔ مقامی ذرائع نے امت کو بتایا کہ ملزم سہیل نے اپنے گاؤں میں ہی جنرل سٹور کھول رکھا تھا اور اس کے ساتھ ہی وہ موبائل فون میں ایزی لوڈ کا کام بھی کرتا تھا۔ علاوہ ازیں اپنے موبائل فون میں اس سے گانے وغیرہ بھی اپ لوڈ کراتے تھے۔ ذرائع کے مطابق ملزم نے دکان کے اندر ایک خفیہ کیمرہ بھی لگا رکھا تھا، جس میں وہ خاص طور پر دکان پر آنے والی طالبات اور خواتین کی تصویریں بناتا تھا۔ بعدازاں وہ فوٹوشاپ کے ذریعے ان تصاویر کو ایڈٹ کرکے انہیں نازیبا تصویر میں بدل دیتا اور پھر اسی کی بنیاد پر طالبات کو بلیک میل کرتا۔ اسی طرح اگر کوئی اس کے پاس گانا وغیرہ اپ لوڈ کرانے کیلئے موبائل فون لاتا تو وہ اس میں سے ڈیٹا چوری کرکے وہاں موجود تصاویر کی بھی اپنی مرضی سے ایڈیٹنگ کردیتا۔ قریباً تین ماہ قبل اسی گاؤں کے ایک غریب کسان مظہر اقبال کی بیٹی رمشا طاہرہ ایزی لوڈ کرانے کیلئے سہیل کی دکان پر آئی۔
روزنامہ نوائے وقت کے مطابق نویں جماعت کی طالبہ رمشا کو ملزم بہلا پھسلا کر دکان کے اوپر بنے کمرے میں لے گیا اور وہاں اس کے ساتھ صرف زیادتی کا ارتکاب کیا بلکہ اس کی اپنے موبائل پر ویڈیو بھی بنائی، جسے بعدازاں ایک یو ایس بی میں محفوظ کرلیا۔ سہیل کی دکان پر اسی گاؤں کا ایک لڑکا کاشف عرف کاشی بطور ملازم کام کرتا تھا۔ چند روز قبل مذکورہ یو ایس بی اس لڑکے کے ہتھے چڑھ گئی۔ اس نے جب یو ایس بی کو کھنگالا تو اس میں سے رمشا کی ویڈیو بھی برآمد ہوئی۔ کاشف نے اس نازیبا ویڈیو کو اپنے تک رکھنے یا ضائع کرنے کے بجائے اپنے دوستوں کے سامنے پیش کردیا۔ اس طرح ویڈیو اور اس کے ساتھ جڑی کہانی پورے گاؤں کے لڑکوں میں پھیل گئی۔ جب اپنی ویڈیو عام ہونے کی خبر رمشا تک پہنچی تو اس نے زہریلی دوائی پی کر خود کشی کرنے کی کوشش کی۔ رمشا کو تو بروقت طبی امداد دے کر بچالیا، لیکن اس طرح یہ سکینڈل منظر پر آگیا۔ اس سلسلے میں رمشا کے چچا اور اس مقدمہ کے مدعی افضال احمد نے امت کو بتایا کہ ہماری بچی کے ساتھ بلیک میلنگ کا یہ سلسلہ گزشتہ سات آٹھ ماہ سے چل رہا تھا۔ ملزم، رمشا کو ویڈیو دکھا کربلیک میل کرتا اور اس سے مختلف ’’فرمائشیں‘‘ کرتا رہتا۔ یہ صرف ایک شخص کاکام نہیں، بلکہ یہ پورا گروہ ہے، جو اثر و رسوخ والا بھی ہے اور مالی طور پر مضبوط بھی۔ ان میں اصل قصور وار مرکزی ملزم سہیل کا والد عبدالحق ہے، جسے اپنے لڑکے کے کرتوتوں کا علم تھا، لیکن اس نے کوئی نوٹس نہیں لیا اور لڑکے کو چھوڑ دئیے رکھی۔
انہوں نے بھی اس بات کی تصدیق کی کہ ملزم نے دکان میں خفیہ کیمرہ لگارکھا تھا، جس میں دکان پر آنے والوں کی تصویر بنا کر اسے اپنی مرضی سے ایڈ کرلیتا۔ خاص طور پر سکول کی طالبات اس کا نشانہ ہوتی تھیں۔ ایک سوال پر ان کا کہنا تھا کہ میری اطلاع کے مطابق ملزم سہیل کے پاس کم از کم 15 سے 20 ویڈیوز اور 900 تصویریں ہیں۔ یہ اب پولیس کا کام ہے کہ وہ برآمدگی کرے۔ ملزم سہیل نے صرف ہماری بچی کو ہی بلیک میل نہیں کیا بلکہ اور بھی ایسے ہی کئی کیس موجود ہیں لیکن لوگ محض اپنی عزت چھپانے کی خاطر خاموش ہیں۔ اس لئے کوئی سامنے نہیں آرہا۔ ہماری بچی سمیت اب تک بلیک میلنگ کے تین کیس سامنے آچکے ہیں۔ ان میں ہمارے قریبی گاؤں اسد اللہ پور کی ایک دسویں جماعت کی طالبہ بھی ہے۔ اس بچی کے گھر والے بدنامی کے خوف سے اپنا گاؤں ہی چھوڑ کر چلے گئے ہیں۔ ملزم کی اس حرکت کی وجہ سے سارے علاقے میں تشویش کی لہر دوڑ گئی ہے اور پورے گاؤں نے ہمیں اپنی حمایت کا یقین دلایا ہے۔ علاوہ ازیں ہفتہ کے روز ڈسٹرکٹ پولیس افسر گجرات سے بھی ہماری ملاقات ہوئی۔ انہوں نے بھی ہمیں یقین دلایا کہ ہمین انصاف ضرور ملے گا۔ ہماری تو جو بدنامی ہونی تھی، وہ ہوچکی لیکن ہم صرف یہ چاہتے ہیں کہ اس سارے گروہ کو قانون کے مطابق کڑی سزا ملے، تاکہ یہ آئندہ کسی غریب کی بیٹی کے ساتھ ایسا ظلم کرنے کی جرأت نہ کرسکیں۔
اس کیس کے انکوائری افسر سب انسپکٹر اعجاز احمدن ے اس سلسلے میں امت کو بتایا کہ پولیس نے اب تک صرف ایک ہی ویڈیو برآمد کی ہے اور وہ ویڈیو ملزم سہیل نے خود اپنے موبائل کے ذریعے بنائی تھی۔ اس کے علاوہ اس نے دکان میں سی سی ٹی وی کیمرہ بھی لگارکھا تھا ہم یہ سب چیزیں اٹھا کر لے آئے ہیں۔ انہیں چیک کرنے کے بعد ہی معلوم ہوگا کہ اس طرح کا مزید قابل گرفت مواد کتنا برآمد ہوتا ہے لیکن اب تک کی تفتیش سے یہی معلوم ہوا ہے کہ ملزم نے یہ ویڈیو انٹرنیٹ پر اپ لوڈ نہیں کی تھی۔ ملزم کی عمر 24 سال اور متاثرہ لڑکی کی عمر 18 سال ہے۔ ایک سوال کے جواب میں انکوائری افسر کا کہنا تھا کہ مرکزی ملزم سہیل کو گرفتار کیا جاچکا ہے، جبکہ دیگر تینوں ملزمان کی گرفتاری کے لئے چھاپے مارے جارہے ہیں۔ اس سلسلے میں ڈاکٹر عافیہ موومنٹ کے کوآرڈینیٹر عزیز الرحمان مجاہد کا کہنا تھا کہ اس طرح کے عناصر کسی بھی رعایت اور نرمی کے مستحق نہیں۔ اس سے پہلے کھاریاں اور لالہ موسیٰ میں بھی کچھ عرصہ قبل ایسے کیسز سامنے آچکے ہیں ہم سمجھتے ہیں اس طرح کے سماجی ناسوروں کو کڑی سزا ملنی چاہیے۔

کافی دلخراش واقعات کو آپ نے یہاں شئیر کیا

اکثر واقعات لڑکیوں کی نادانیوں کی وجہ سے وقوع پذیر ہوتے ہیں

اگر لڑکیوں کے اندر ایسے واقعات رونما ہونے سے بچنے کیلئے احتیاطی تدابیر اجاگر کی جائیں

یا

لڑکیوں خود ایسے مواقع پیدا ہونے ہی نہ دیں تو ان دل دہلا دینے والے واقعات کو روکا جا سکتا ہے

خبر: ۱۰ دسمبر ۲۰۱۷

چھوٹی بہن بلیک میل کرتی تھی، قاتل علوینہ کا بیان

ملیر سعود آباد میں لڑکی کے قتل کا معمہ حل ہوگیا، سگی بہن علوینہ نے چھوٹی بہن علینہ کو قتل کرایا۔

ایس ایس پی کورنگی نعمان صدیقی نے نیوز کانفرنس میں لرزہ خیز قتل کی تفصیلات سے آگاہ کیا۔ اس موقع پر ملزمہ علوینہ اور اس کا منگیتر مظہر بھی موجود تھا۔

نعمان صدیقی نے بتایا کہ علینہ کو قتل کرنے کی واردات بہیمانہ ہے،سعودآباد پولیس کو پہلے ہی علوینہ پر بہن کو قتل کرنے کا شک ہوگیا تھا۔

ایس ایس پی کورنگی نے کہا کہ والدین بچوں کو اسمارٹ فون دیتے ہیں لیکن خطرات نہیں بتاتے،ہمیں سوچنا چاہیے کہ معاشرہ کہاں جا رہا ہے۔احسن اور عباس لڑکیوں کو بلیک میل کرتے تھے،احسن اور عباس جیولری کی دکان پر کام کرتے تھے۔

ملزمہ علوینہ نے اعتراف کیا کہ احسن کی وجہ سے اس کے بہن کے ساتھ اختلافات تھے، احسن کے پاس اس کی کچھ نازیبا تصاویر اور ویڈیوز تھیں اور اسی وجہ سےعلینہ اور احسن اسے بلیک میل کیا کرتے تھے۔

ملزمہ نے بتایا کہ میرے منگیتر نےعلینہ کو سمجھایا،لیکن وہ نہ سمجھی،علینہ اورمجھ میں اختلافات بھی احسن کی وجہ سے ہوئے۔بہن کو ویڈیو ثبوت مٹانے کا کہا تھا،میں نے علینہ کے پاؤں پکڑے،لیکن پھر بھی بلیک میل کرتی تھی،امی کو بتاتی تھی تو وہ مجھے مارتی تھیں۔

علوینہ نے بتایا کہ میں اپنی بہن کو سمجھانے کی بہت کوشش کی مگر وہ نہ مانی تو میں نے اپنے منگیتر کی مدد سے اس کو قتل کردیا۔شک نہ جانےکی خاطرمیں نےنقدی ساتھ  لے جانے کا کہا۔ملزمہ نے اعتراف کیا کہ میں نےفون اور رقم لے جانے کو کہا تھا۔

اس موقع پر ملزمہ علوینہ کے منگیتر مظہر نے میڈیا کے سامنے بیان دیا کہ علینہ کے پاس قابل اعتراض تصاویرتھیں۔

واضح رہے کہ 5دسمبر کوعلینہ کو گلا کاٹ کر قتل کیا گیا تھا، دو ملزمان گھر سے نقدی اور سونا بھی لوٹ کر فرار ہوگئے تھے۔

پولیس کے مطابق زخمی لڑکی نےپولیس کو بیان دیا کہ منگل کی صبح 2نقاب پوش مسلح ملزمان عقبی دیوار سے کود کر گھر میں داخل ہو ئے لوٹ مار کی کوشش کی جس پر چھوٹی بہن نے ایک ملزم پر چھری سے حملہ کردیا جس پر ملزمان نے اس سے چھری چھین کر مقتولہ کے گلے پھیر کرذبح کردیا اور اسکو بھی چھری مار کر زخمی کردیا۔