عذر آنے میں بھی ہے اور بُلاتے بھی نہیں

باعثِ ترکِ مُلاقات بتاتے بھی نہیں

خوب پردہ ہے کہ چلمن سے لگے بیٹھے ہیں

صاف چھپتے بھی نہیں سامنے آتے بھی نہیں

ہوچکا قطعٔ تعلق تو جفائیں کیوں ہوں

جن کو مطلب نہیں رہتا وہ ستاتے بھی نہیں

زیست سے تنگ ہو اے داغؔ تو جیتے کیوں ہو

جان پیاری بھی نہیں، جان سے جاتے بھی نہیں

 

اس طرح سے زوال ہے مرشد
غم بھی مجھ میں نڈھال ہے مرشد

دل تڑپ کر تڑپ چکا کب کا
پھر بھی دل میں ملال ہے مرشد

آہ بھر کر جو مسکراتا ہوں
اک یہی تو کمال ہے مرشد

 

ہجر کرتے یا کوئی وصل گزارا کرتے
ہم بہرحال بسر خواب تمھارا کرتے

ایک ایسی بھی گھڑی عشق میں آئی تھی کہ ہم
خاک کو ہاتھ لگاتے تو ستارا کرتے

اب تو مل جاؤ ہمیں تم کہ تمھاری خاطر
اتنی دور آ گئے دنیا سے کنارا کرتے

محوِ آرائشِ رُخ ہے وہ قیامت سرِ بام
آنکھ اگر آئینہ ہوتی تو نظارا کرتے

ایک چہرے میں تو ممکن نہیں اتنے چہرے
کس سے کرتے جو کوئی عشق دوبارا کرتے

جب ہے یہ خانہ ء دل آپکی خلوت کے لئے
پھر کوئی آئے یہاں ، کیسے گوارا کرتے

کون رکھتا ہے اندھیرے میں دیا آنکھ میں خواب
تیری جانب ہی ترے لوگ اشارا کرتے

ظرفِ آئینہ کہاں اور ترا حسن کہاں
ہم ترے چہرے سے آئینہ سنوارا کرتے

!!!!
ﺯﺭﺍ ﺩﯾﮑﮫ ﮐﮯ ﭼﺎﻝ ﺳﺘﺎﺭﻭﮞ ﮐﯽ
ﮐﻮﺋﯽ ﺯﺍﺋﭽﮧ ﮐﮭﯿﻨﭻ ﻗﻠﻨﺪﺭﺳﺎ
ﮐﻮﺋﯽ ﺍﯾﺴﺎ ﺟﻨﺘﺮ ﻣﻨﺘﺮ ﭘﮍﮪ
ﺟﻮ ﮐﺮ ﺩﮮ ﺑﺨﺖ ﺳﮑﻨﺪﺭﺳﺎ
___
ﮐﻮﺋﯽ ﭼﻠﮧ ﺍﯾﺴﺎ ﮐﺎﭦ ﮐﮧ ﭘﮭﺮ
ﮐﻮﺋﯽ ﺍﺳﮑﯽ ﮐﺎﭦ ﻧﮧ ﮐﺮ ﭘﺎﺋﮯ
ﮐﻮﺋﯽ ﺍﯾﺴﺎ ﺩﮮ ﺗﻌﻮﯾﺰﻣﺠﮭﮯ
ﻭﮦ ﻣﺠﮫ ﭘﺮ ﻋﺎﺷﻖ ﮨﻮ ﺟﺎﺋﮯ
___
ﮐﻮﺋﯽ ﻓﺎﻝ ﻧﮑﺎﻝ ﮐﺮﺷﻤﮧ ﮔﺮ
ﻣﺮﯼ ﺭﺍﮦ ﻣﯿﮟ ﭘﮭﻮﻝ ﮔﻼﺏ ﺁﺋﯿﮟ
ﮐﻮﺋﯽ ﭘﺎﻧﯽ ﭘﮭﻮﮎ ﮐﮯ ﺩﮮ ﺍﯾﺴﺎ
ﻭﮦ ﭘﯿﺌﮯ ﺗﻮ ﻣﯿﺮﮮ ﺧﻮﺍﺏ ﺁﺋﯿﮟ
___
ﮐﻮﺋﯽ ﻗﺎﺑﻮ ﮐﺮ ﺑﮯ ﻗﺎﺑﻮ ﺟﻦ
ﮐﻮﺋﯽ ﺳﺎﻧﭗ ﻧﮑﺎﻝ ﭘﭩﺎﺭﯼ ﺳﮯ
ﮐﻮﺋﯽ ﺩﮬﺎﮔﮧ ﮐﮭﯿﻨﭻ ﭘﺮﺍﻧﺪﮮ ﮐﺎ
ﮐﻮﺋﯽ ﻣﻨﮑﺎ ﺍِﮐﺸﺎ ﺩﮬﺎﺭﯼ ﺳﮯ
___
ﮐﻮﺋﯽ ﺍﯾﺴﺎ ﺑﻮﻝ ﺳﮑﮭﺎ ﺩﮮ ﻧﺎ
ﻭﮦ ﺳﻤﺠﮭﮯ ﺧﻮﺵ ﮔﻔﺘﺎﺭﮨﻮﮞ ﻣﯿﮟ
ﮐﻮﺋﯽ ﺍﯾﺴﺎ ﻋﻤﻞ ﮐﺮﺍ ﻣﺠﮫ ﺳﮯ
ﻭﮦ ﺟﺎﻧﮯ ، ﺟﺎﻥ ﻧﺜﺎﺭ ﮨﻮﮞ ﻣﯿﮟ
___
ﮐﻮﺋﯽ ﮈﮬﻮﻧﮉﮪ ﮐﮯ ﻭﮦ ﮐﺴﺘﻮﺭﯼ ﻻ
ﺍﺳﮯ ﻟﮕﮯ ﻣﯿﮟ ﭼﺎﻧﺪ ﮐﮯ ﺟﯿﺴﺎ ﮨﻮﮞ
ﺟﻮ ﻣﺮﺿﯽ ﻣﯿﺮﮮ ﯾﺎﺭ ﮐﯽ ﮨﮯ
ﺍﺳﮯ ﻟﮕﮯ ﻣﯿﮟ ﺑﺎﻟﮑﻞ ﻭﯾﺴﺎ ﮨﻮﮞ
___
ﮐﻮﺋﯽ ﺍﯾﺴﺎ ﺍﺳﻢ ﺍﻋﻈﻢ ﭘﮍﮪ
ﺟﻮﺍَﺷﮏ ﺑﮩﺎﺩﮮ ﺳﺠﺪﻭﮞ ﻣﯿﮟ
ﺍﻭﺭ ﺟﯿﺴﮯ ﺗﯿﺮﺍ ﺩﻋﻮﯼ ﮨﮯ
ﻣﺤﺒﻮﺏ ﮨﻮﻣﯿﺮﮮ ﻗﺪﻣﻮﮞ ﻣﯿﮟ
___
ﭘﺮ ﻋﺎﻣﻞ ﺭﮎ ، ﺍﮎ ﺑﺎﺕ ﮐﮩﻮﮞ
ﯾﮧ ﻗﺪﻣﻮﮞ ﻭﺍﻟﯽ ﺑﺎﺕ ﮨﮯ ﮐﯿﺎ ؟
ﻣﺤﺒﻮﺏ ﺗﻮ ﮨﮯ ﺳﺮ ﺁﻧﮑﮭﻮﮞ ﭘﺮ
ﻣﺠﮫ ﭘﺘﮭﺮ ﮐﯽ ﺍﻭﻗﺎﺕ ﮨﮯ ﮐﯿﺎ
___
ﺍﻭﺭ ﻋﺎﻣﻞ ﺳﻦ ﯾﮧ ﮐﺎﻡ ﺑﺪﻝ
ﯾﮧ ﮐﺎﻡ ﺑﮩﺖ ﻧﻘﺼﺎﻥ ﮐﺎ ﮨﮯ
ﺳﺐ ﺩﮬﺎﮔﮯ ﺍﺳﮑﮯ ﮨﺎﺗﮫ ﻣﯿﮟ ﮨﯿﮟ
 ۔ ۔ ۔"" ﺟﻮ ﻣﺎﻟﮏ ﮐﻞ ﺟﮩﺎﻥ ﮐﺎ ﮨﮯ ❤