September 13, 201114 yr زندگی دیکھا جائے تو زندگی کبھی تو دکھون اورپریشانیوں کا ایک طویل سفر معلوم ھوتی ھے مگر خوشی کے لمحات میں بہت مختصر اور چھو ٹی سی لگتی ھے ، انسان اچھی طرح جانتا ھے کہ کچھ بھی کر لے یا کچھ بھی پا لے،مگر اسے مرنا ھوگا، جیون بھر کی محنت سے جو کچھ بھی حاصل کیا ھے،اسے چھورنا ھوگا ۔۔۔۔۔۔۔۔۔ مگر ۔۔۔۔۔۔۔۔۔۔ اس تھو ڑی سی زندگی کی خوشی اور آسودگی حاصل کرنے کے لئے یہ انسان ساری عمر جدّو جہد میں گزار دیتا ھے ، نئی چیزوں کی خواھش اسے اکثر بے چین رکھتی ھے اسکی فطرت میں طلب ھے ، سب کچھ جان کر بھی وہ سب کچھ پانا چاھتا ھے، اور اسی پانے کی جستجو میں سرگرداں سا رھتا ھے اور وقت اسے دبے پاؤں گزارتا چلا جاتا ھے، جب اعضاء تھکنے لگتے ھیں اور سفید چاندی بالوں تک آ پھنچتی ھے تو گھبرا اٹھتا ھے، کی یہ زندگی اتنی جلد کیسے گزر گئی ؟ ابھی تو بہت کچھ حاصل کرنا ھے، پانا ھے، لیکن ۔۔۔۔۔۔۔۔۔۔۔۔۔۔ یہ زندگی بے وفا ساتھی کی طرح آنکھیں چرانا شروع کردیتی ھے ، اور دھیر ے دھیر ے بہت آھستگی سے اپنا دامن چھڑالیتی ھے ۔ ۔ ۔ تب جاکر احساس ھوتا ھے کہ ۔ ۔ ۔ ،، ھم جسے عمر سمجھتے تھے وہ یک پل نکلا ،، ناز جسکو زندگی سمجھے تھے ھم چند لمحوں کا حسیں احساس تھا ۔
Create an account or sign in to comment