Amraz-e-qalb

[Play_Boy007]

سائسندانوں کا پہلے سے خیال ہے کہ ایشائی لوگوں کو دل کے امراض کا خطرہ زیادہ رہتا ہے

سائنسدانوں کا کہنا ہے کہ ایک جین میں تبدیلی کی وجہ سے بر صغیر ہند میں رہنے والے لوگوں کے لیے دل کے امراض کا خطرہ بڑھ رہا ہے۔

یہ ریسرچ ویلکم ٹرسٹ سنگیر اسنٹی ٹیوٹ نے کی ہے جس کے سائنسدان حیدرآباد دکن اور انگلینڈ میں تحقیق کرتے ہیں۔

رسرچ کے مطابق جین میں یہ تبدیلی چار فیصد لوگوں میں دیکھی گئی ہے۔

لیکن دل کے امراض کی بہت سی وجوہات ہوتی ہیں جن میں طرز زندگی کے علاوہ ان جینیات کا بھی عمل دخل ہوتا ہے جو انسان کو ورثہ میں اپنے والدین سے حاصل ہوتی ہیں۔

ہم نے کئی ملکوں میں تحقیق کی ہے۔ ہندوستان، پاکستان اور سری لنکا اور ہر جگہ متاثرہ افراد کا تناسب تقریباً برابر ہے۔ شمال کے مقابلے میں یہ تناسب جنوب میں تھوڑا زیادہ ہے اور شمال مشرق جیسے کچھ علاقے ایسے ہیں جہاں یہ بالکل نہیں ہے۔ لیکن مجموعی طور پر چار فیصد افراد اس سے متاثر ہوتے ہیں

کرس ٹائلر سمتھ

لیکن اس جین اور اس میں تبدیلی کی دریافت بہت اہم مانی جارہی ہے کیونکہ ایک تو یہ آبادی کے اتنے بڑے حصے کو متاثر کر رہی اور دوسرا اس کا خطرناک اثر ہوتا ہے۔

ایک بار اس جین سے متاثرہ شخص ادھیڑ عمر پار کرلے تو اس کے امراض قلب میں مبتلا ہونے کے امکانات نوے فیصد تک پہنچ جاتے ہیں۔

اس کے علاوہ یہ بات بھی بہت غیرمعمولی ہے کہ اس جین میں تبدیلی کا عمل صرف ایک خاص علاقے تک محدود ہے۔

اس تحقیق سے وابستہ کرس ٹائلر سمتھ کہتے ہیں کہ ’ ہم نے کئی ملکوں میں تحقیق کی ہے۔ ہندوستان، پاکستان اور سری لنکا اور ہر جگہ متاثرہ افراد کا تناسب تقریباً برابر ہے۔ شمال کے مقابلے میں یہ تناسب جنوب میں تھوڑا زیادہ ہے اور شمال مشرق جیسے کچھ علاقے ایسے ہیں جہاں یہ بالکل نہیں ہے۔ لیکن مجموعی طور پر چار فیصد افراد اس سے متاثر ہوتے ہیں۔‘

اس خطے میں دل کی بیماریاں تیزی سے بڑھ رہی ہیں۔ ایک اندازے کے مطابق سن دو ہزار دس تک دل کی بیماریوں کے ساٹھ فیصد کیس ہندوستان میں ہوں گے۔ اس کی وجہ طرز زندگی، خراب غذا اور، ورزش نہ کرنا اور سگریٹ نوشی بتائی جاتی ہیں اور اب اس فہرست میں جینیاتی نقص بھی شامل ہوگیا ہے۔

ماہرین کے مطابق اب کوشش ایک ایسا ٹیسٹ تیار کرنے کی ہوگی جس سے لوگ یہ معلوم کرسکیں کہ ان کے جینیاتی نظام میں یہ جین تو شامل نہیں۔