ایک حالیہ تحقیق میں یہ بات سامنے آئی ہے کہ نومولود بچے نیند کے دوران بھی سیکھتے ہیں۔ایک سائنسی جرنل میں شائع ہونے والی اس مطالعاتی تحقیق کے مطابق نومولود بچے 24گھنٹے میں بیشتر وقت سوتے ہوئے گزارتے ہیں تاہم اس دوران ان کا ذہن بلا کسی تعطل کے کام کررہا ہوتا ہے۔یونی ورسٹی آف فلوریڈا کے ماہرین نے اس سلسلے میں 26نو مولود بچوں کو تجرباتی مراحل سے گزار اور سوتے ہوئے نومولودبچوں کے کانوں کے قریب دھنیں بجائیں جس پر ان میں سے24 نومولود بچوں نے نیند کے دوران اپنی بند آنکھوں کو مسلتے ہوئے اپنے ردعمل کا اظہار کیا۔اس مطالعاتی تجربے سے یہ ظاہر ہوا کہ نومولود بچوں کا دماغ غنودگی یا نیند کے عالم میں بھی نہ صرف جاگ رہا ہوتا ہے بلکہ خود کو ارد گرد کے ماحول سے ہم آہنگ کرنے کا کام جاری رکھے ہوئے ہوتا ہے۔ ایک ماہر نفسیات کا کہنا ہے کہ اس تجربہ سے سامنے آنے والے نتائج کو ایسے بچوں کی شناخت میں استعمال کیا جاسکے گا جن کا ذہن ٹھیک طریقے سے نشونما نہ پا سکا ہویا جن میں dyslexia یا autism کے خدشات پائے جاتے ہوں۔

Waooo GG.. Very Informative Thread...